இறைவனே ஞானம்.இறைவன் அனைத்து ஜீவராசிகளுள்ளும் உறைகிறான். இறைவனுக்கு பல நாமங்கள் உண்டு; இவைகளில் மிகச் சிறந்த மற்றும் மிகவும் பொருத்தமான நாமம் ஸச்சிதானந்தன் என்பதே. '' ஸத் '' என்றால், முக்காலங்களிலும்,கடந்த,நிகழ் மற்றும் எதிர் காலங்களிலும் மாறாதது எதுவோ அதுவே ''ஸத்''.சத்தியத்தை கண்டிப்பாகக் கடைப்பிடிப்பது உங்களை '' ஸத்தை'' அனுபவிக்க இயலச் செய்யும்.'' சித்'' என்றால் பரிபூரணமான உணர்வு அல்லது ஞானம் ; ஒருவரை,தெய்வீகத்தின் அதன் அனைத்து அம்சங்களிலும் உணரச் செய்ய வல்லது எதுவோ அதுவே '' சித்''. ஒருமுறை, ''ஸத்தை''யும்,''சித்தையும்'' அனுபவித்து விட்டால், ஆனந்தம் தானாகவே தொடர்ந்து வரும். இந்த மனித உடல் தாற்காலிகமானது; இது தரும் இன்பம் கணப் பொழுதில் மறையக் கூடியது.சாஸ்வதமான ஆனந்தத்தை, நிலையற்ற கருவிகளின் மூலம் பெற விழைவது அர்த்தமற்றது.உடல், உடல் ரீதியான தாற்காலிகமான இன்பத்தை மட்டுமே தர முடியும்;மனம் ஒரு சிறிது நேரத்திற்கு மனத் திருப்தியை மட்டுமே அதிக பட்சம் தர முடியும்.எனவே, நீங்கள் எது நிலையானதோ அதை நாட வேண்டும் - அதுவே ஆனந்தம். இறைவனே சத்தியம். இறைவனே ஆனந்தம். எனவே இறைவனை நாடிப் பெற்று ஆனந்தத்தில் வாழுங்கள்.