மனிதர்கள் தங்களது வாழ்க்கையில் மிக ஆழமாக மூழ்கி இருப்பதால்,சில சமயங்களில் ஒரு நாளின் 24 மணி நேரங்கள் மிகவும் குறைவானதாகத் தோன்றுகிறது. குடிப்பது, உண்பது, படிப்பது, நடப்பது, அமருவது, வெறுப்பது, கனவு காண்பது,பெருமை அடித்துக் கொள்வது, புகழ்வது, அழுவது, சிரிப்பது, ஏங்குவது, எதிர்பார்ப்பது -இவைகளே உங்களது நாளை நிறப்புகின்றன.இந்த அனைத்து செயல்களும்,மனதுடன் இணை பிரியாது இணைப்பு கொண்டவை.இவ்வாறு வாழ்க்கை உங்களது ஸம்ஸ்காரங்களின் ஒரு கூட்டுக் கலவையாகவே உள்ளது; அதுவே உங்களது குணாதிசியங்களைப் பாதிக்கிறது. நல்லவையோ, கெட்டவையோ, பின்னர் நிகழ்ந்த சம்பவங்களால் நீங்கள் மறந்து விட்ட, உங்களது வாழ்க்கையில் நிகழ்ந்த சம்பவங்களும், செயல்களும்,உங்களது மனதில் அவற்றின் விளைவுகளின் சுவடுகளை விட்டுச் சென்றுள்ளன.படுக்கச் செல்லும்போது, நீங்கள் அந்த நாளின் நிகழ்வுகளை நினைவு கூற முயன்றால், உங்களால் அனைத்தையும் அல்லாது, சிலவற்றை மட்டுமே, நினைவில் கொண்டு வர முடிகிறது. ஒரு நாளின் நிகழ்வுகளின் கதியே இது என்றால்,ஒரு வாழ்க்கையின் பல மாதங்கள் அல்லது வருடங்களின் நிகழ்வுகளைப் பற்றி என்னென்று கூறுவது? உங்களது இறுதி நாட்கள் நெருங்கும் போது,உங்களால், ஆழமாகப் பதிந்துள்ள சிலவற்றை மட்டுமே நினைவு கூற முடியும்.எனவே,வாழ்க்கை முழுவதுமான இடையறாத,கட்டுப்பாடான முயற்சியே, ஆனந்த மயமான இறுதி ஸங்கமத்திற்கு இன்றியமையாததாகும்.