பலர் தங்களை பக்தர்கள் என்று சொல்லிக் கொள்கிறார்கள்; இப்படிச் சொல்லிக் கொள்வதில் ஒன்றுமே இல்லை.நீங்கள் ஒரு கடிதம் எழுதும்போது, அதைப் பெற்றுக் கொள்ள வேண்டியவர் அதை ஏற்றுக் கொள்ளவில்லை என்றால், உங்கள் நிலை என்ன என்பது நிச்சயமில்லை.அதைப் போலவே, ஒருவர் பக்தரா இல்லையா என்பதை இறைவன் தான் பறைசாற்ற வேண்டும். அர்ஜூனன், பகவான் ஸ்ரீகிருஷ்ணரிடம், '' நான் உன் பக்தன்'' என்று கூறவில்லை. பகவான் ஸ்ரீகிருஷ்ணரும், '' அர்ஜூனா ! நீ என் பக்தன் '' என்று கூறுவதோடு திருப்தி அடையவில்லை.அர்ஜூனனை ''நண்பன்'' என்றோ அல்லது '' பக்தன் '' என்றோ கூறாமல், பகவான் ஸ்ரீகிருஷ்ணர் ,'' நீ என் நண்பனும், பக்தனும் ஆவாய் '' என்று கூறுவதை ஏன் தேர்ந்தெடுத்தார்?இந்த அறிவிப்பில், ஒரு தீர்க்கமான ஆன்மீக முக்கியத்துவம் உள்ளது;நீங்கள் ஆன்மீக வாழ்க்கையைக் கடைப்பிடித்தால் மட்டுமே இது உங்களுக்குத் தெளிவாகும். பகவான் ஸ்ரீகிருஷ்ணர் அர்ஜூனனிடம், '' நீ என் நண்பன் '' என்று மட்டுமே சொல்லி இருந்தால், அர்ஜூனனின் இறுமாப்பு பொங்கி, அவன் பகவான் ஸ்ரீகிருஷ்ணரிடம் அளவுக்கு மீறிய சுதந்திரம் எடுத்துக் கொள்ளக் கூடும். அவர், ' நீ என் பக்தன் '' என்று மட்டுமே சொல்லி இருந்தால், அர்ஜூனன், மித மிஞ்சிய பணிவு உணர்வுடன் இருந்திருப்பான். எனவே தான், பகவான் ஸ்ரீகிருஷ்ணர், '' நீ என் பக்தனும், நண்பனும் ஆவாய் '' என்று அறிவித்தார்.