பக்தர்களைக் கையாளுவதில் இறைவன், ஒரு சீர் தூக்கிப் பார்க்கும் நிலையை எடுக்க வேண்டி உள்ளது.ஸ்ரீராமகிருஷ்ண பரமஹம்ஸரின் வாழ்க்கையிலிருந்து இதோ ஒரு உதாரணம்.பண்டைய காலத்திலும் சரி, இன்றும் சரி,எப்போதும் நல்ல மனிதர்களைத் தூற்றுபவர்கள் சில இருந்து கொண்டு தான் இருப்பார்கள்.ஒரு முறை இரண்டு வெவ்வேறு சம்பவங்களில், அவரது இரண்டு சீடர்கள், சில கிராமத்தவர்கள், இந்த சீரிய தவமுனிவரைத் தூற்றுவதைக் காண நேர்ந்தது. இதைக் கண்ட இளையவரும், மென்மையானவருமான ப்ரம்மானந்தா கண்ணீர் வடித்தார். விவேகானந்தாவோ பதிலடி கொடுத்து, கிராமத்தவரை மிரட்ட ஆரம்பித்தார். பகவான் ஸ்ரீராமகிருஷ்ணர் இருவரது செயல்களையும ஏற்றுக் கொள்ளவில்லை ! அதை மேலும் விவரித்து, அவர், '' ஒரு காரில் இரண்டு டயர்கள் உள்ளன.முன் மற்றும் பின் டயர்களில் என்ன காற்று அழுத்தம் இருக்க வேண்டும் என்று குறிப்பிடப் பட்டுள்ளது.சில டயர்களில் காற்று அழுத்தம் அதிகமாக இருந்தால் அதைக் குறைக்க வேண்டும். சில டயர்களில் அது குறைவாக இருந்தால், அவற்றில் காற்றைச் செலுத்தி விரிவாக்க வேண்டும். அதன் பின்னரே கார், இதமாக ஓடும். விவேகானந்தா அதிக காற்று அழுத்தம் உள்ளதைப் போன்றவர்; எனவே, அந்த அழுத்தத்¨த்க குறைக்க வேண்டும்.ப்ரம்மானந்தா மிகவும் பலஹீனமானவர், எனவே, அவரது அழுத்தத்தை அதிகப் படுத்தி விரிவாக்க வேண்டும்'' என்று அறிவுறுத்தினார்.