நிலையற்ற மற்றும் மாறிக் கொண்டே இருக்கும் இவ்வுலகில் ஒவ்வொருவரும் சாந்தியையும்,பாதுகாப்பையும் நாடுகின்றனர். ஆனால், பணம், படிப்பு, பதவி மற்றும் உடலியலான சௌகரியங்கள் சாந்தியையும், பாதுகாப்பையும் தர முடியாது. சாந்தி இதயத்திலிருந்து எழுகிறது. உங்கள் இதயம் அன்பினால் நிரம்பி இருந்தால் தான்,நீங்கள் சாந்தியையும், பாதுகாப்பையும் அனுபவிக்க முடியும்.பெரும்பாலான மனிதர்கள் மிகவும் அத்தியாவசியமான குணங்களில் ஒன்றான நன்றியுணர்வு இன்றி இருக்கிறார்கள். அவர்கள் ,மற்றவர்கள் தங்களுக்கு ஆற்றிய உதவியை மறந்து விடுகிறார்கள்.நீங்கள் எவ்வளவு காலம் வாழ்கிறீர்களோ அது வரை நீங்கள் மற்றவர்களிடமிருந்து பெற்ற உதவிக்காக நன்றியுணர்வு கொண்டவர்களாக இருத்தல் வேண்டும். இரண்டு விஷயங்களை நீங்கள் மறந்து விட வேண்டும்; நீங்கள் மற்றவர்களுக்கு செய்த உதவி, மற்றவர்கள் உங்களுக்கு செய்த தீமை.நீங்கள் செய்த உதவியை நினைத்துக் கொண்டே இருந்தீர்களானால், அதற்கு பிரதி உபகாரத்தை எப்போதும் எதிர் பார்த்துக் கொண்டே இருப்பீர்கள்.உங்களுக்கு மற்றவர்கள் செய்த தீங்கை நினைவு படுத்திக் கொண்டே இருப்பது, பழி வாங்கும் உணர்வை உங்களுள் தோற்றுவித்துக் கொண்டே இருக்கும். எப்போதும் மற்றவர்கள் உங்களுக்கு ஆற்றிய உதவியை மட்டுமே நினைவில் கொண்டு இருங்கள்.இந்த புனிதமான உணர்வுகளைக் கொண்டிருக்கும் மனிதனே ஒரு இலக்ஷிய மனிதனாவான்.