ஆன்மீக சாதனையில் மூன்று படிகள் உள்ளன.அவையே மனக்குவிப்பு, நினைவு கூறுதல் மற்றும் தியானம்.மனக்குவிப்பு என்றால்,உங்களது பார்வையை ஒரு ரூபத்தில் நிலை கொள்ளச் செய்வதாகும்.நினைவு கூறுதல் என்பது அந்த ரூபம் இல்லாத போதும் உங்களுள் அதை உங்களால் காண முடிவதாகும்.தியானம் என்பது இந்த பயிற்சிகளின் விளைவாக அந்த ரூபம் உங்கள் இதயத்தில் நிரந்தரமாகப் பதிந்து விடுவதாகும். இவ்வாறு நீங்கள் தொடர்ந்து தியானம் செய்தீர்கள் என்றால், அந்த ரூபம் உங்கள் இதயத்தில் இடையறாது நிலை கொண்டு விடும். நீங்கள் உங்களது ஆன்மீக சாதனையை மனக்குவிப்பு மற்றும் நினைவு கூறுதல் நிலைகளோடு மட்டும் நிறுத்தி விடக்கூடாது. இவைகள் ஆன்மீக சாதனையில் ஆரம்பப் படிகள் என்பது உண்மைதான் என்றாலும், நீங்கள் மேலும் முன்னேற வேண்டும்; நீங்கள் மனக்குவிப்பை, நினைவு கூறுதலாகவும், பின்னர் நினைவு கூறுதலை தியானமாகவும் மாற்ற வேண்டும்.இதை நீங்கள் செய்யும் போது, எல்லாக் காலங்களிலும் நீங்கள் இறைவனது ரூபத்தைத் தொடர்ந்து மனக்கண் முன் தோற்றுவிக்க முடியும். பண்டைய கால முனிவர்கள் இந்த தியான முறையைத் தான் பின்பற்றினார்கள்.அதனால் தான் அவர்கள் வேண்டிய போதெல்லாம் , இறைவன் அவர்கள் முன் தோன்றி, அவர்களுடன் உரையாடி, அவர்களது விருப்பங்களை பூர்த்தி செய்தான்.