இறைவனைத் தனியாக ஏதோ ஒரு கோவிலிலோ அல்லது ஒரு ஆஸ்ரமத்திலோ காண முடியாது. சத்யமே இறைவன்,அன்பே ஆண்டவன்; தர்மமே கடவுள். இறைவனை இந்தக் கோட்பாடுகளைப் பின்பற்றி நீங்கள் வழிபட்டால்,அவன், அங்கேயே, அக்கணமே உங்கள் முன் தோன்றிடுவான். இதில் சந்தேகமே படாதீர்கள். இறைவனை இதயபூர்வமாக நேசியுங்கள். இறைவனை வழிபட்டு அவனுடன் நட்புறவு கொள்ளுங்கள்.இறைவன் உங்களது நண்பனாகி விட்டால், நீங்கள் எதை வேண்டுமானாலும் சாதிக்கலாம். இன்றே உங்கள் இதயத்தை அன்பால் நிரப்பிக் கொள்ளவும், உங்கள் கரங்களை தியாகம் எனும் ஆபரணத்தால் அலங்கரிக்கவும் கற்றுக் கொள்ளுங்கள்.தியாகமே கரங்களுக்கான ஆபரணம்.சத்யமே ஒருவர் அணிந்து கொள்ள வேண்டிய கழுத்தணி. இந்த ஆபரணங்களை அணிந்து கொள்ளும் பழக்கத்தை நீங்கள் வளர்த்துக் கொள்ள வேண்டும். தெய்வீக அன்பை வளர்த்துக் கொண்டு, இந்த நாட்டில் சாந்தியைப் பேணிக் காத்திடுங்கள். விசாலமான உணர்வுடன் லோகாஸ் ஸமஸ்தாஸ் ஸுகினோ பவந்து ( உலகனைத்தும் சுகமாக இருக்கட்டும் ) என்று பிரார்த்தியுங்கள் ! ஒவ்வொரு நாளையும் இந்த பிரார்த்தனையுடன் தொடங்குங்கள். பின்னர் உற்சாகம் நிறைந்த, ஆனந்தமான மற்றும் அமைதியான வாழ்க்கையை நடத்துவீர்கள். இறைவனை நேசித்து அவனுடன் நட்பு வைத்துக் கொள்ளுங்கள்; உங்களது அனைத்து முயற்சிகளிலும் நீங்கள் கண்டிப்பாக வெற்றி காண்பீர்கள்.