இறைவனை வழிபடுவது,சாந்தி மற்றும் நீதியை சமுதாயத்தில் நிலை நிறுத்துவது,உடலின் செயல்பாடுகளைக் கட்டுப் படுத்தி, ஒருங்கிணைப்பது போன்ற குறிக்கோள்களுக்காக,இந்த பிரபஞ்சத்தை சாதகமாகப் பயன்படுத்தி செய்யப்படும் அனைத்து கர்மங்களும் தியாகமே.முதலாவது புனிதமான யக்ஞம் எனப்படுகிறது, இரண்டாவது தானம் மூன்றாவது தபஸ்.அனைத்து மனிதச் செயல் பாடுகளும் இந்தத் தேவைகளைப் பூர்த்தி செய்வதாக இருக்க வேண்டும்; இந்த நிலையை அடைவதற்கு நெறிமுறையான வாழ்க்கையே அஸ்திவாரமாகும். இந்த நெறிமுறையான வாழ்க்கை சத்யம் மற்றும் அசத்தியம் என்பவற்றை பகுத்தறிந்து கண்டறிவதை ஆதாரமாகக் கொண்டது. எவ்வாறு முத்தை மட்டும் எடுத்துக் கொண்டு, சிப்பியை ஒதுக்கி விடுகிறோமோ, அவ்வாறே சத்தியத்தை சாரமாக ஏற்றுக் கொண்டு அவசியமற்றவற்றை நிராகரித்து விட வேண்டும்.இதற்கு தனி மனித முயற்சி, இறைவனின் அருள் என்ற இரண்டும் இருக்க வேண்டும்.உடலும் , ஆத்மாவும் வேறு வேறு என்ற தலைசிறந்த பாடத்தை ஒருவர் இடையறாது பயிலுவதும் கூட அவசியமே. இது மிகவும் பயனளிக்கும் பயிற்சியாகும். இவ்வாறு பகுத்தறிவது உலகியலான மற்றும் ஆன்மீக வாழ்க்கைக்கு மிகவும் அவசியமானதாகும்.