இந்த பிரபஞ்சம் ஒரு மகத்தான ஆச்சரியத்திற்கு உரியது; ஒரு இடையறாத வியப்பின் ஊற்றும் ஆகும்.நீங்கள் யாராக இருந்தாலும்,அது உங்களை ஒரு தலைசிறந்த அற்புதமாக ஈர்க்கும்.ஒரு பொருள் உருவாக்கப் படும்போது,அதை உருவாக்குவதற்கான யுக்தி, புத்தி மற்றும் சக்தி உள்ள ஒருவர் தேவை என்பதை நாம் அறிவோம். படைப்பவர் என்று ஒருவர் இல்லை என்றால் இது சாத்தியமல்ல. எனவே, நமது கண்களுக்குப் புலப்படும் சூரியன், சந்திரன், விண்மீன்கள்,நக்ஷத்திர மண்டலங்கள் ஆகியவை ஒரு தலைசிறந்த படைப்பாற்றல் திறன் கொண்ட வடிவமைப்பாளர் இன்றி,எவ்வாறு அவை செய்வது போல நகர்ந்து ,நடந்து கொள்ள முடியும்? ஒரு சாதாரண சக்தியைக் கொண்டு அவை இருந்து, இயங்க முடியுமா? இல்லை.இப்படிப் பட்ட வலிமை மிக்க திறன்களைக் கொண்ட படைப்பை நோக்கியபின்,அறிவாளிகள், படைத்தவனின் சக்தி எவ்வளவு அளவிட முடியாதது என்பதை எளிதில் ஊகிக்க முடியும்.அது மட்டுமல்ல; இந்த படைப்பின் தனித்தன்மையையும், பல்வேறு வகையாக இருப்பதையும் நோக்குங்கள் ! எந்த ஒரு பொருளும் மற்றொன்றைப் போல இருப்பதில்லை; எந்த ஒருவரும் வேறு ஒருவரைப் போல இருப்பதில்லை. இது எல்லையற்ற மகத்துவம் கொண்ட ஒன்றின் லீலையாகத் தான் இருக்க முடியும்- அதுவே இறைவன் ! எந்த குறைவான சக்தியும் இதன் ஆதாரமாக இருக்க முடியாது. இந்த படைப்பில் பொதிந்திருக்கும் மர்மத்திலிருந்தே, படைத்தவனாகிய இறைவனைப் புரிந்து கொள்ளுங்கள்.