வானத்தில் பறக்கும் பறவைக்கு இரண்டு இறகுகள் தேவை;நடக்கும் மனிதனுக்கு இரண்டு கால்கள் தேவை;ஆத்மசாக்ஷாத்காரம் பெற விழையும் சாதகனுக்கு இரண்டு குணங்கள் தேவை- பற்றின்மையும் (வைராக்யம்), ஞானமும் (விவேகம்) -உலகியலான ஆசைகளில் பற்றின்மையும், ஆத்மாவை உணருவதற்கான ஞானமும்.ஒரு பறவைக்கு ஒரு இறகு மட்டும் இருந்தால் அது வானில் பறக்க இயலுமா?அதைப் போலவே ஒருவருக்கு வைராக்யம் மட்டுமோ அல்லது விவேகம் மட்டுமோ இருந்தால் அவர் தெய்வீகத்தை அடைய முடியாது. '' எனது '' ( மமகாரம் ) என்ற உணர்வே, மயக்கும் பற்றுதலின் பந்தமாகும்.எவ்வளவு காலம் தான் ஒருவர் தனது என்று தடவிக் கொண்டு இருப்பவற்றைப் பிடித்து தொங்கிக் கொண்டு இருக்க முடியும்?என்றோ ஒரு நாள் நீங்கள் அனைத்தையும் விட்டு விட்டு,தனியாக, வெறும் கையுடன் செல்லத் தான் வேண்டும்.இது தப்பிக்க முடியாத விதி. அவற்றின் தன்மையை தீவிரமாக ஆராய்வதன் மூலம் போலித் தனமான பந்தங்களையும், கற்பனைத் தனமான உறவுகளையும்,எவ்வளவு சீக்கிரம் முடியுமோ, அவ்வளவு சீக்கிரம் விட்டு விடுங்கள். பற்றுதல் பயத்தையும், அஹங்காரத்தையும் வளர்க்கிறது.புத்திசாலிகள் உலகியலான ஆசைக்கு அடி பணிய மாட்டார்கள்.நித்ய சத்தியத்தைப் பற்றிக் கொண்டு, ஆத்மா பிரதிபலிக்கும் அமரத்துவமான நற்குணங்களைக் கடைப் பிடியுங்கள்.