இன்று உலகில் நாம் எந்த நல்ல காரியத்தைச் செய்தாலும், அதன் முக்கியத்துவத்தைப் புரிந்து கொள்ளாமலும், அதன் சாரத்தை நமது இதயங்களில் பதிந்து கொள்ளாமலும், அக்கரையின்றி செய்கிறோம். உலகியலாகப் பார்த்தால், நாம் பல காரியங்களை உயர் பதவி அல்லது புகழைப் பெறுவற்காகவோ அல்லது வெறும் படாடோபத்திற்காகவோ அல்லது ஏதோ சில லாபம் பெறும் நோக்கத்துடனேயோ செய்கிறோம். இப்படிப் பட்ட முயற்சிகள் தாற்காலிகமானவை; அவை கலைந்து சென்று விடும் பலன்களையே தரும். நாம் தினமும் ஆற்றும் செயல்களில் ஆத்ம திருப்தியைத் தருவதற்காகச் செய்யப் படுபவை மிகச் சிலவே.நமக்குள் நமக்கே தன்னம்பிக்கை ( ஆத்ம விஸ்வாஸம்) இருந்தால் மட்டுமே ஆத்ம திருப்தி கிடைக்கும். ஆத்ம விஸ்வாஸமும்,ஆத்ம திருப்தியும் இருக்குமிடத்தில்,உங்களால் ஆத்ம த்யாகம் செய்ய முடியும்; அதுவே தன்னை உணர்தல் என்ற ஆத்ம சாக்ஷாத்காரத்தை அளிக்கும். எனவே அமரத்துவம் என்பது தியாகத்தின் பலனே.எனவே தான் இந்த நாட்டில் எல்லா வேள்விகளும் (யாகங்கள்), பல விதமான சடங்குகளும் தியாகத்தின் சின்னங்களாகவே ஏற்படுத்தப் பட்டவை. அவை தெய்வீக சக்தியை மேம்படுத்தும் திட்டவட்டமான நோக்கத்தைக் கொண்டவை.