மழைக் காலத்தில்,அந்தக் கொட்டும் மழையில் வானமும்,பூமியும் ஒன்றாகி விடுகின்றன. சிருஷ்ட்டி ( படைப்பு) உங்களை இறைவனுடன் ஒன்றாகுங்கள் என்று அறிவுறுத்துவதைப் போலத் தோற்றமளிக்கும் அந்தக் காட்சி உண்மையிலேயே அழகான,உத்வேகம் அளிக்கும் ஒன்றாகும். மூன்று பாடங்களைக் கற்றுக் கொள்ளுங்கள்; படைப்பின் நிலையாமை, அதில் பணியாளனான உங்களது பாத்திரம், மற்றும் இறைவனே அனைத்திற்கும் தலைவன் என்பன. சிருஷ்ட்டியின் முறை, சிருஷ்ட்டிக்கப் படுபவை மற்றும் சிருஷ்ட்டி கர்த்தாவான இறைவன்-இந்த மூவராலும் ஆடப்படுவதுதான் வாழ்க்கை எனும் விளையாட்டு. இறைவன் அவனுக்கு சேவை செய்வதற்கான புதுப் புது வழிகளை உங்களது கரங்களில் தொடர்ந்து அளிக்கிறான் என்பதில் பெருமகிழ்ச்சி கொண்டு, உங்களுக்குக் கிட்டியுள்ள அந்த வாய்ப்பை எண்ணி உவகை கொள்ளுங்கள். இந்த மனப்பாங்கு உங்களுக்கு கணக்கிட முடியாத களிப்பைத் தரும்;இந்த சந்தோஷத்தால் நிறைந்த ஒ ருவாழ்க்கை நடத்துவதே உண்மையில் பேரானந்தமாகும். காலை முதல் மாலை வரை செய்யும் அனைத்தையும்,இறைவனது வழிபாடாகக் கருதி, அவை அர்ப்பணிக்கப் பட வேண்டும். எவ்வாறு புத்தம் புதிய மலர்களை மட்டுமே பறித்து,அவைகளைத் தூய்மையாகவும் வாடாமலும் காக்கிறோமோ, அவ்வாறே தூய்மையான, களங்கமற்ற செயல்களை மட்டுமே ஆற்றவதற்கு இடையறாது பாடுபட வேண்டும்.