இந்தக் கலியுகத்தில்,சகோதரர்களுக்கு இடையே கூட அவ்வளவு த்வேஷம் (வெறுப்பு) இருக்கிறது.குடும்பத்திற்குள்ளேயே ஒற்றுமை இல்லை என்றால், உலகில் உள்ள அனைவரிடையை ஒற்றுமையைக் கொண்டு வருவது சாத்தியமா?மேடைப் பிரசங்கங்களில், மனிதர்கள் ஒருவரை ஒருவர் '' சகோதர, சகோதரிகளே'' என்று அழைக்கிறார்கள். இப்படிப் பட்ட வார்த்தைகள் நமது இதயத்தின் ஆழத்திலிருந்து வருகின்றனவா அல்லது இவற்றை ஒரு காகிதத் துண்டிலிருந்து வெறுமனே படிக்கிறோமோ என்று நம்மை நாமே கேட்டுக் கொள்ள வேண்டும். ''சகோதர, சகோதரிகளே'' என்ற வார்த்தைகளை, உங்களது ஆழ் இதயத்திலிருந்து நீங்கள் உண்மையிலேயே கூறுவதாக இருந்தால், நீங்கள் கண்டிப்பாக இறைவனது அருளைப் பெறுவீர்கள்;நல்ல விளைவுகள் இதனைப் பின் தொடர்ந்து வரும்.நீங்கள் ''சகோதர, சகோதரிகளே'' என்று அழைப்பவர்களுடன் உங்களது பரம்பரைச் சொத்தைப் பகிர்ந்து கொள்ள வேண்டுமோ என்று ஒருபோதும் கவலையோ அல்லது கலக்கமோ கொள்ளாதீர்கள். உங்கள் ஒவ்வொருவர் உள்ளும் பொதுவான ஒரே தெய்வீகம் தான் உறைகிறது மற்றும் அதுவே மனித குலம் அனைத்திற்குமான சகோதரத்துவத்தின் அடிப்படை என்பதை நீங்கள் உணர்ந்து ஏற்றுக் கொள்வதே போதுமானது மற்றும் , அவசியமானதும் ஆகும்.