உலகில் இன்று,தங்களுக்கு இறைவனிடம் நம்பிக்கை இல்லை என்று கூறும் பலரைக் காண்கிறோம். தன் மீதே நம்பிக்கை அற்ற ஒருவன் மட்டுமே இறைவன் பால் நம்பிக்கை அற்றவனாக இருப்பான்.உண்மையைச் சொல்லப் போனால், இறைவனிடம் நம்பிக்கை இல்லாமல் ஒரு க்ஷணம் கூட ஒருவரால் இருக்க முடியாது;அது சாத்தியமே இல்லை! ஏன்? இறைவன் என்பவன் ஒரு தனிப்பட்ட ரூபத்துடன், ப்ரத்யேகமான சக்திகளுடன், எங்கோ இருப்பவன் என்ற எண்ணத்தில் இருக்காதீர்கள்.உங்களது இதயத்தில் ஒரு தூய்மையான எண்ணமாகவும்,பரமாத்மாவாகவும் இருப்பவன் இறைவனே அன்றி வேறில்லை ! ஒருவரது இதயத்தின் இந்தப் புனிதமான அங்கம், இந்த பிரபஞ்சத்தில் உள்ள ஒவ்வொரு ஜீவராசியினுள்ளும் இருக்கிறது.இப்படிப் பட்ட ஒரு புனிதமான இதயம் அற்ற ஒருவர் எவருமில்லை.எனவே, இறைவன் உங்களுள்ளேயே உறைகிறான்; அவனை வேறு எங்கும் தேட வேண்டிய அவசியமில்லை.இப்படிப் பட்ட புனித இதயம் ஒவ்வொருள்ளும் இருப்பதால், இறைவன் அனைவருள்ளும் ,எக்காலத்திலும் உறைகிறான் என்பதை நீங்கள் திடமாக நம்பியே ஆக வேண்டும்.