விலையுயர்ந்த பொருட்களை நாம் பெட்டியில் வைக்கும் போது, அதைப் பூட்டி, அதன் சாவியை நம்மிடம் வைத்துக் கொள்கிறோம். நாம் சாவியைத் தொலைத்து விட்டாலோ அல்லது அதை எங்கு வைத்தோம் என்பதை மறந்து விட்டாலோ, நமக்கு மிகவும் அவசியமாகத் தேவைப் படும் சமயங்களில், அந்தப் பொருட்களை நாம் திரும்ப எடுக்க முடியாது. அதைப் போலவே தான், இந்த மனித உடலிலும், ஞானம் மற்றும் ஆனந்தம் எனும் பொக்கிஷத்தைப் பெற நமக்கு ஒரு சாவி தேவை.ஆதி சங்கரர் இந்தச் சாவியைத் தான் பக்தி எனக் குறிப்பிடுகிறார்.எப்போது நீங்கள் பக்தி என்ற சாவியைப் பயன்படுத்தி, அதை பற்றின்மை என்ற பக்கத்தில் திருப்புகிறீர்களோ, ஞானம் மற்றும் ஆனந்தத்தின் கதவை நீங்கள் எளிதாகத் திறக்க முடியும். ஆனால் பக்தி என்ற சாவியைத் தவறான பக்கத்திற்கு,பற்றின்மை என்ற பக்கத்திலிருந்து விலகி பற்றுதல் என்ற பக்கத்தை நோக்கித் திருப்பினால், உங்களால் அந்தப் பொக்கிஷப் பெட்டியைத் திறக்க முடியாது. எனவே, பற்றின்மையோ அல்லது பற்றுதலோ , எதுவானாலும், இந்த இரண்டிற்கும் இடையில் உள்ள பக்தி என்ற சாவி மிகவும் முக்கியமானதாகும்; அதை நீங்கள் பாதுகாக்கத் தான் வேண்டும். இறைவன் பால் நம்பிக்கை இருக்குமானால், நீங்கள் இந்த பக்தியைப் பெற முடியும்.