மறைநூல்கள்,உலகத்தின் சாந்தி,சந்தோஷங்களையும், மனித குலத்தின் ஆன்மீக பரிபூரணத்தையும் உறுதி செய்வதற்காக வடிவமைக்கப் பட்டவை. அவை உங்களை ஆத்ம சாக்ஷாத்காரத்திற்கு ( தன்னை உணர்தல்) இட்டுச் செல்கின்றன.எனவே, உங்களுக்கு புனித நூல்களிலும், குருமார்களிடமும் சிரத்தை இருக்க வேண்டும்.தலை சிறந்த குருமார்கள் மனிதர்களுக்கு ஒவ்வொரு ஜீவராசிக்குள்ளும் உறையும் ஒரே தெய்வீகத்தைப்(ஸர்வஜீவாத்ம ஐக்யஞான) பற்றிய அறிவை போதிப்பார்கள், போதிக்கவும் வேண்டும். உங்களது புத்தி , எல்லாக் காலங்களிலும்,எல்லா சந்தர்ப்பங்களிலும் பரமாத்மாவில் நிலை கொண்டு, அதிலிருந்து உத்வேகம் பெற வேண்டும். நீங்கள் இறைவன் பால் மட்டுமே பற்றுதல் கொண்டிருக்க வேண்டும்; உங்களது அனைத்து செயல்களும்,இறைவனைத் திருப்திப் படுத்துவதையே குறிக்கோளாகக் கொண்டு இருக்க வேண்டும். அனைத்து ஜீவராசிகளும், இறைவனது முகப்புகள் மற்றும் அங்கங்களே என்ற அசைக்க முடியாத நம்பிக்கையுடன் நீங்கள் செயலாற்றி,அனைத்து ஜீவராசிகளையும் சரிசமமாகக் கருத வேண்டும்.இந்த அனுபவம் பெறுவதற்கு சமச்சீரான மனப்பாங்கு ( ஸமா-தானா ) ,ஒரு வரப்பிசாதம் ஆகும்.