ராம ராஜ்யத்தை ஸ்தாபனம் செய்த பகவான் ஸ்ரீராமரும் கூட, ஒரு சரித்திரப் புகழ் வாய்ந்த சந்தர்ப்பத்தில் இந்த உலகை விடுத்துச் செல்ல வேண்டி வந்தது. ஒவ்வொன்றும், என்றோ ஒரு நாள் போயே ஆக வேண்டும். எதுவும் இவ்வுலகில் நிரந்தரமாக இருக்கப் போவதில்லை. ராமராஜ்யமும் கூட மறைந்து, மாறத் தான் வேண்டி வந்தது.காலத்துடன் ஒவ்வொன்றும் மாறத்தான் வேண்டும்; எதுவும் மாற்றம் இன்றி இருப்பதில்லை. பல மனிதர்கள் இந்த பூமியை ஆண்டிருக்கிறார்கள் ஆனால் அவர்களில் ஒருவராவது இந்த பூமியின் இம்மியளவையாவது எடுத்துச் செல்ல முடிந்ததா? நீங்கள் எடுத்துச் செல்லக் கூடியது, எடுத்துச் செல்ல வேண்டியது நிரந்தரமான இறை அருள் மட்டுமே. உங்களது வாழ்க்கையில் நீங்கள் பெற விழைய வேண்டியது எல்லாம், ஒரு நல்ல பெயரை மட்டுமே.நாம் நல்லதைச் செய்து, ஒரு நல்ல பெயரைப் பெற வேண்டும் ; இவ்வாறு பிறருக்கு நல்லவற்றைச் செய்து, நல்ல வாழ்க்கையை நடத்துங்கள். இந்த இலட்சியத்தை மட்டுமே நாம் உலகில் பிறருக்கு விட்டுச் செல்ல வேண்டும்.