உங்களது ஸ்தூல சரீரம் எப்போதும் ஸத்ஸங்கத்திலேயே மூழ்கி இருக்க வேண்டும்; உங்களது எண்ணங்கள் மற்றும் உணர்ச்சிகளால் ஆன ஸூக்ஷ்ம ஸரீரம் எப்போதும் இறைவனது மஹிமைகளைத் தியானிப்பதிலேயே தோய்ந்திருக்க வேண்டும்.இதுவே ஒரு உண்மையான பக்தனுக்கு அறிகுறி. கூக்குரலிட்டு, சபித்துக் கொண்டு, தான் சந்திக்கும் ஒவ்வொருவரிடமும் தனது கவலைகளை ப்ரஸ்தாபித்து, அவர்களது இரக்கத்திற்காக ஏங்கும் ஒருவர் பெயரளவில் தான் பக்தர் !இறை வழியில் நடப்பது என்பது ஒரு மிகப் பெரிய பொறுப்பாகும்.இந்தப் புனித யாத்திரையில்,திரும்பி வருவதோ, நடுவில் நிற்பதோ, மெத்தனமான இடமோ அல்லது பக்கவாட்டிலான சந்தோ என்பது இல்லை. நீங்கள் இதயத்தால் ரசித்து அனுபவித்ததை, ஒருபோதும் உங்களது நாவினால் மறுக்காதீர்கள்; உங்களது சொந்த அனுபவத்திற்கு பொய் சாட்சியாக இருக்காதீர்கள்.அசைக்க முடியாத நம்பிக்கையும்,பரிபூரண ஸரணாகதி உணர்வும் கொண்ட ஒரு உண்மையான பக்தராக இருங்கள்.இப்படிப் பட்ட மனப்பாங்கு, இடையறாது மூச்சு விடுவதைப் போன்ற, நிலையான, ஸ்ரத்தையான மற்றும் தொடர்ந்த இறை நாமஸ்மரணையின் மூலம் வர முடியும் !