இன்று, வெளித்தோற்றத்தில் மக்கள் மனிதர்களாக இருந்தாலும்,உள்ளார்ந்த உந்துதல்களில் அவர்கள் கீழ்த்தரமானவர்களாகவும், அசுரர்களாகவும் இருக்கின்றனர்; தானகுணம் ( தான) அற்ற ஒரு மனிதன், ஒரு அசுரன் ( தானவ) என்றே அழைக்கப் படுகிறான். தெய்வீக குணம் (தேவ ), அசுரகுணம் ( தானவ) என்ற இரண்டுமே மனிதனுள் இருக்கின்றன; தற்போது அசுர குணம் ஆட்சி புரிகிறது !எனவே தான் மனிதர்கள் தங்களது காந்தி,சக்தி மற்றும் பெருமையை இழந்து விட்டார்கள் ! நீங்கள் ஒவ்வொருவரும்,ஆன்மீக சாதனையின் மூலம், பாடுபட்டு அவற்றைத் திரும்பப் பெற வேண்டும்.எனவே,இடையறாத முயற்சியின் மூலம் உங்களை, நீங்களே தூய்மைப் படுத்திக் கொள்ளுங்கள்.இந்த உலகம் விரைந்தோடிவிடும் சந்தோஷத்தை மட்டுமே தர முடியும் என்பதில் நம்பிக்கை கொண்டிருங்கள்;துன்பம் ,இன்பத்தின் மறுபக்கமே அன்றி வேறில்லை. இப்போதே, இத்தருணத்திலிருந்தே பாடுபடுங்கள்;முழுமையான, நிரந்தரமான ஆனந்தத்தை வளர்த்துக் கொள்ளுங்கள். உங்களுக்கே நீங்கள் உண்மையானவர்களாக இருங்கள். தைரியத்துடன் உங்களது இலட்சியத்திலேயே குறியாக இருங்கள்; உங்களது ஆன்மீக சாதனையில் இன்றிலிருந்து சிரத்தையுடன் இருங்கள்; ஏனெனில் காலம் பாய்ந்தோடி விடும் ஒரு வெள்ளம் போல ஓடிக் கொண்டிருக்கிறது.