விலை மதிப்பற்ற நேரத்தை,வெட்டி வேலைகளில் கழிப்பதைத் தவிர்த்து விட்டு, எப்போதும் கவனத்துடன் இருங்கள். ஞானேந்திரியங்கள், கர்மேந்திரியுங்கள் மற்றும் உடலை, உகந்த ஆனால் உன்னதமான பணிகளில் ஈடுபடுத்தி, அவற்றை எப்போதும் சுறுசுறுப்பாக வைத்திருங்கள். சோம்பேறித்தனம் ஊடுருவதற்கு ஒரு போதும் வாய்ப்பு இருக்கக் கூடாது. மேலும் ஒவ்வொரு செயலும் மற்றவர்களின் நலனைப் பேணிக் காப்பதாக இருக்க வேண்டும். ஒருவர், தனது பணிகளை, அவரது ஸ்வதர்மத்தை பிரதிபலிக்குமாறு இருக்கும் செயல்களுக்குள் வரையறுக்குமாறு செய்து கொண்டே ,அவற்றை உடல் மற்றும் புலன்களுக்கான ஆன்மீக சாதனைகளாக உயர்த்த முடியும். புலன்களை ஈர்க்கும் பொருட்களிலிருந்து நீங்கள் உங்களை விலக்கிக் கொள்ளவும் வேண்டும். இதன் பொருள் என்னவென்றால், கிளர்ச்சியை ஏற்படுத்தும் அனைத்து இருமைக் குணங்களான சுகம்-துக்கம், விருப்பு-வெறுப்பு, நல்லவை-கெட்டவை, புகழ்ச்சி-இகழ்ச்சி ஆகியவைகளுக்கு எல்லாம் அப்பாற்பட்ட ஒரு மனதைக் கொண்டிருக்க வேண்டும் என்பதே ஆகும். ஒருவர் எதிர் கொள்ளும் இப்படிப் பட்ட பொதுவான அனுபவங்களை, ஆன்மீக சாதனைகள் அல்லது ஆத்ம விசாரத்தின் மூலம் வெல்லவோ அல்லது மறுக்கவோ முடியும். ஒன்றுக்கு ஒன்று எதிர்மறையான மற்றும் இருமைக் குணங்களிலிருந்து தப்புவதற்கு பெரிதும் பாடுபட்டு, சமநிலையும்,ஸ்திரத் தன்மையையும் பெறுங்கள்.