உங்கள் மனம் உங்களை பந்தத்தில் பிணைக்கவும் முடியும்; பந்த விமோசனத்தை (மோக்ஷம்) அளிக்கவும் முடியும்.அது ரஜோ மற்றும் தமோ குணங்களின் கலவையாகும். அது எளிதாக மாசடைந்து விடுகிறது. அது பொருட்களின் உண்மையான தன்மையை மறைத்து,அவற்றின் மீது தனக்குப் பிடித்தமான ரூபங்களையும் ,மதிப்புகளையும் அளித்துப் பார்ப்பதில் உவகை கொள்கிறது. எனவே மனதின் செயல்பாடுகளைக் கட்டுப்படுத்தியே ஆக வேண்டும். மனதிற்கு இரண்டு குணங்கள் உள்ளன. முதலில் அது புலன்களின் பின்னால் தறி கெட்டு ஓடுகிறது.மனதைப் பின்பற்றும் எந்த புலனாக இருந்தாலும், அது அழிவை வரவேற்பது போன்றதே. ஒரு நீர் நிறைந்த குடம் காலியாகி விட்டால், நீரனைத்தும் பத்து ஒட்டைகளில் வழியாக கசிந்து விட்டது என்ற முடிவிற்கு நாம் வரவேண்டிய அவசியமல்ல; ஒரு ஓட்டை இருந்தாலும், அதுவே அதைக் காலி செய்யப் போதுமானதாகும்.அதைப் போலவே, உங்களது ஒரே ஒரு புலன் கட்டுப்பாடு இன்றி இருந்தால் போதும், நீங்கள் பந்தந்தில் கட்டுண்டு விடுவீர்கள். எனவே, அனைத்து புலன்களையும் வெல்லுங்கள்.இரண்டாவதாக மனதின் திறனை நற்பழக்கங்களான தியானம், இறைநாமஸ்ரணை, பஜன் மற்றும் வழிபாடுகள் போன்றவற்றின் மூலம் வலிமையடைச் செய்யலாம்.இவ்வாறு வலிமையும்,திறனும் ஊட்டப் பட்ட மனதை ஆன்மீக முன்னேற்றத்திற்கு உதவும் வகையில் இயங்க வைக்க முடியும்.