ஒவ்வொரு ஜீவராசிக்கும் வாழ்க்கை என்பது விருப்பு,வெறுப்பு,சுகம்,துக்கம், லாபம்,நஷ்டம் ஆகியவற்றின் தொடர் கதையே.உங்களுக்கு நடக்கும் அனைத்தையும் இறைவனது கருணையின் பரிசுகளாக ஏற்றுக் கொள்ளுங்கள். நீங்கள் உங்களால் இயன்ற அளவு உங்களது திறமை மற்றும் பக்தியுடன் செயல் பட்டே ஆக வேண்டும்.உங்களது கடமைகைள,நீங்கள் எந்த அளவு பக்தி சிரத்தையோடு இறைவனை வழிபடுவீர்களோ, அவ்வாறே ஆற்ற வேண்டும். பின்னர் , விளைவுகளை ஸர்வ வல்லமை பொருந்திய,அனைத்தும் அறிந்த, கருணாமூர்த்தியான இறைவனிடம் விட்டு விடுங்கள். விளைவுகளுக்கு ,நீங்கள் உங்களை ஏன் பொறுப்பாகக் கருதி வருத்திக் கொள்கிறீர்கள் ?அவனே அதைத் துவக்கினான்,அவனே அதை உங்கள் மூலம் செய்வித்தான்;அவன் எந்தப் பலன்களைத் தர வேண்டும் என்று எண்ணுகிறானோ, அந்தப் பலன்களைத் தந்திடுவான் ! நீங்கள் தங்கத்தை, தங்கத்தால் ஆனப் பெட்டகத்தில் வைக்க முடியுமா ? இல்லையே! நீங்கள் அதை ஒரு எஃகு அல்லது இரும்பு அலமாரியில் வைக்கிறீர்கள் இல்லையா? அதைப் போலவே, சந்தோஷம் எனும் பரிசு, துக்கம் எனும் கடினமான தோல் உறையோடு தான் வருகிறது. சந்தோஷத்தை மட்டும் அளிக்குமாறு இறைவனைப் பிரார்த்திக்காதீர்கள்,அது முட்டாள் தனம். சுகமும், துக்கமும் ஒரே நாணயத்தின் இரண்டு பக்கங்கள் அன்றி வேறில்லை என்பதை உணருவதற்கான மனோபலத்திற்காக, இறைவனை பிரார்த்தியுங்கள்.