கிரகங்கள் கொண்டு வரக்கூடும் தீய சக்திகளை முறியடிக்கலாம் என்ற நம்பிக்கையில் மனிதர்கள் விரதங்களையும், சடங்குகளையும், மேற்கொள்ளுகிறார்கள் ! ஆனால் இறை அருளைப் பெறுவதற்கு எந்த முயற்சியும் எடுத்துக் கொள்ளப் படுவதில்லை. வழிபாட்டின் பகட்டும் , படாடோபமும் ,மேலோட்டமானதாக மட்டுமே இருக்க வேண்டாம்; அப்படி இருந்தால் அது நிரந்தரமான பலன்களைத் தராது; அதிக பட்சம், அவை,அந்த அளவு நேரத்தையும் , பணத்தையும் நீங்கள் பாதிப்பு ஏற்படுத்தும் வழிகளில் செலவிடுவதிலிருந்து தடுக்கின்றன !இந்த சடங்குளை ''ஏன் செய்கிறோம்'' என்பது முக்கியமே அன்றி, அவற்றை '' எப்படிச் செய்கிறோம் '' என்பது முக்கியமல்ல. அந்த '' ஏன் '' என்பது ஒரு தனி மனிதரின் உண்மை நிலையை, உணர்வதாக இருக்க வேண்டும் , அதுவே இந்த பிரபஞ்சத்தின் உண்மை நிலையும் கூட! எனவே, அந்தப் பிரபஞ்சத்திற்கு (பரப்ரம்மத்திற்கு) அர்ப்பணிப்பு உள்ளவராக இருங்கள் ; ''அதுவாக'' ஆவதில் ஆர்வம் கொள்ளுங்கள். நீங்கள் இறைவனிடம் ஒரு வேலை அல்லது ஒரு மகன் அல்லது ஒரு பரிசை வேண்டும்போது, நீங்கள் பக்தி கொண்டிருப்பது இறைவன் மீதல்ல; அந்த வேலை அல்லது மகன் அல்லது பரிசு மீதே ! இறைவனை, இறைவனுக்காகப் பிரார்த்தியுங்கள் ; அன்பு செலுத்துங்கள். ஏனெனில் அன்பு செலுத்துவதே உங்களது இயற்கையான இயல்பாகும். உங்களையே விசாலமானவர்களாக ஆக்கிக் கொள்ளுங்கள் , அனைத்தையும் ஏற்றுக் கொள்ளுங்கள் ! அன்பில் வளருங்கள்.