இறைவன் இந்த பிரபஞ்சம் அனைத்தும் வியாபித்து இருக்கிறான்.இறைவன் ஒவ்வொரு மனிதருள்ளும் ஏன், ஒவ்வொரு ஜீவராசியினுள்ளும் உறைகிறான். சிருஷ்டி அனைத்தும் இறைவனின் வெளிப்பாடே. வெறும் மனித உடலைப் பெற்றிருந்தால் மட்டும் போதாது. இறைவன் அங்கிங்கெனாதபடி எங்கும், ஒவ்வொரு ஜீவராசியிலும் இருப்பதால்,மனிதப் பண்புகளைக் கடைப்பிடிப்பது மிகவும் புனிதமானதாகவும், அத்தியாவசியமானதாகவும் கருதப்படுகிறது. எனவே, நீங்கள் சத்யம்,தர்மம்,சாந்தி, ப்ரேமை மற்றும் அஹிம்ஸை ஆகியவற்றை வளர்த்துக் கொள்ள வேண்டும். எந்த சந்தர்ப்பத்திலும் பொய் பேசாதீர்கள். சத்தியத்தைக் கடைப்பிடித்தீர்கள் என்றால்,தர்மம் அதைப் பின் தொடரும். சத்யமும்,தர்மமும் எங்கு இணைந்து இருக்கிறதோ அங்கு சாந்தி இருக்கும். சாந்தி இருக்கும் இடத்தில் ப்ரேமையும் இருக்கும். ப்ரேமை இருக்கும் இடத்தில் ஹிம்ஸைக்கு இடமே இல்லை.முதன் முதலில் ப்ரேமையை ஒருவர் வளர்த்துக் கொள்ள வேண்டும். '' அன்பே இறைவன், இறைவனே அன்பு. சத்யமே இறைவன், இறைவனே சத்யம்.'' சத்யமும், ப்ரேமையும் தெய்வ ஸ்வரூபங்களே.