மனிதர்களின் இயல்பான நிலை அன்பே.அன்பு இன்றி நீங்கள் ஒரு கணம் கூட உயிர் வாழ முடியாது.அதுவே உங்கள் வாழ்வின் உயிர் மூச்சு. இவ்வளவு காலமாக நீங்கள் பற்றிக் கொண்டு இருந்த ஆறு தீய குணங்களும் மறையும் போது, அன்பு மட்டுமே உங்கள் இதயத்தில் குடி கொண்டு இருக்கும்;ஆனால் அன்பு, நேசிப்பதற்கான ஒரு பொருளைத் தேடிக் கண்டு பிடித்தே ஆக வேண்டும்.அது தனித்து இருக்க முடியாது. அன்பு நிறைந்த உங்கள் இதயத்தை, ப்ரேமை, தூய்மை, சேவை, தியாகம் மற்றும் தன்னலமின்மையின் உருவே ஆன,அந்த நீலமேக ஸ்யாம வர்ண தெய்வீகக் குழந்தையான,அனைவரையும் கவரும் இறைவன் பால் (ஸ்ரீகிருஷ்ணர்) செலுத்துங்கள். பின்னர் வேறு எந்த விதமான பற்றுதலும் வளருவதற்கு இடமே இருக்காது. இறைவன் பால் கொள்ளும் இந்த அன்பு படிப்படியாக, ஆழமானதாக,மேலும் தூய்மையானதாக,தன்னையே மறக்கும் அளவிற்கு வளரட்டும்; பின் இறுதியில் எந்த விதமான எண்ணத்திற்கும் அவசியமின்றி, ஜீவாத்மா, பரமாத்மாவுடன் ஐக்கியமாகி விடும். பகவானாகிய வாஸூதேவன் மனிதனின் இதயத்தில் குடி கொண்டு விட்டால், அசுரர்களுக்கு ( தீய குணங்களுக்கு ) அதன் பின் அங்கே இடம் கிடையாது, இருளும், ஒளியும் சேர்ந்து இருக்க முடியாது; ஒளி, இருட்டை முற்றிலுமாக விலக்கி விடுகிறது.