இரண்டாயிரம் ஆண்டுகளுக்கு முன் குறுகிய தற்பெருமையும்,ஆழ்ந்த அறியாமையும் மனிதகுலத்தை மாசுபடுத்திக் கொண்டிருந்தபோது, ஏசு கிருஸ்து, அன்பு மற்றும் கருணையின் உருவாகத் தோன்றி, வாழ்க்கையின் உயர்ந்த இலட்சியங்களைக் கடைப்பிடித்து,மனிதரிடையே வாழ்ந்தார்.அவரது வாழ்க்கையின் பல நிலைகளில், அவர் விளக்கிய பல போதனைகளில் நீங்கள் கவனம் செலுத்துதல் அவசியம்.அவரது முதல் பிரகடனம், '' நான் இறைவனது தூதன் '' என்பதாகும்.ஆம், ஒவ்வொருவரும் இப்படிப் பட்ட நாடகப் பாத்திரத்தை ஏற்று, தெய்வீக அன்பு மற்றும் ஈகையின் உதாரண புருஷர்களாக வாழ வேண்டும். ஏசு கிருஸ்து, இறைவனே அனைத்தையும் ஸங்கல்பிக்கிறான் என்பதை அறிந்திருந்தார். எனவே தான் அவர் சிலுவையில் அறையப்பட்ட போதும், அவர் தாங்கமுடியாத வேதனையில் இருந்தாலும் கூட, எவர் மீதும் பகைமை கொள்ளாது. அவருடன் இருந்த அனைவரையும், அனைத்தும் இறைவன் செயலே என்று கருதுமாறு வலியுறுத்தினார். '' அனைவரும் ஒன்றே.அனைவரிடமும் ஒன்று போலப் பழகுங்கள் '' - இந்த மனப்பாங்கை உங்களது தினசரி வாழ்க்கையில் கடைப்பிடியுங்கள். சந்திரனை, நிலவொளியின் மூலம் மட்டும் தான் காண முடியும்.அதைப் போலவே, அன்பே உருவான இறைவனை,அன்பின் மூலம் மட்டுமே காணவும், உணரவும் முடியும். அன்பே இறைவன்,அன்பில் வாழுங்கள். இதுவே நான் உங்களுக்கு அளிக்கும் அறிவுரையாகும்.