மனித இதயங்களில் அன்பையும்,கருணையையும் ஊட்டுவதற்காக ஏசு பகவான் தனது உதிரம் சிந்தி, உயிர்த் தியாகம் செய்தார்;எதற்கு என்றால், மற்றவர்கள் சந்தோஷப்படும்போது,நீங்களும் சந்தோஷப்பட வேண்டும்; அவர்கள் துயரம் அடையும் போது,நீங்களும் துயரம் அடைய வேண்டும்.இந்த புனிதமான நாளின் ஞாபகார்த்தமாக,உங்கள் மனதிலிருந்து, தற்புகழ்ச்சி செய்வது, வம்பு பேசுவது என்ற இரண்டு தீய குணங்களை விட்டு விடுங்கள் என்று அறை கூவல் விடுகின்றேன் !அவைகளை விட்டு விடுங்கள்! அதற்கு பதிலாக, துன்புற்றவர்களுக்கு அன்பார்ந்த சேவையாற்றும் பழக்கத்தை ஏற்படுத்திக் கொள்ளுங்கள். உங்கள் காலம் மற்றும் சக்தியை உலகியலான சுகங்களிலும், புலனின்பங்களிலும் செலவழித்தீர்களானால், இந்த மனித வாழ்க்கையையே நீங்கள் இழிவு படுத்துவதாகும். உங்கள் வாழ்வனைத்தையும் உண்டு மகிழ்வதற்காக மட்டுமே செலவழிக்காதீர்கள்; வாழ்வதற்கு எவ்வளவு தேவையோ அந்த அளவு மட்டும் சாப்பிடுங்கள். உங்கள் உடலை இறைவன் உறையும் ஒரு ஆலயத்தைப் போல பராமரியுங்கள். அன்பையும், கருணையையும் வளர்த்துக் கொள்வதன் மூலம் அதை, சுத்தமாகவும் , புத்துணர்ச்சியுடனும், நறுமணத்துடனும் வைத்திருங்கள். புனிதமான எண்ணங்களும், வார்த்தைகளும்,செயல்களும் உங்களிடமிருந்து வெளி வரட்டும். கீழ்த்தரமான,அற்பமான மற்றும் புனிதமற்ற செயல்களின் மூலம் அதை இழிவு படுத்தி விடாதீர்கள். நீங்கள் எங்கிருந்தாலும் இன்று இந்த சபதத்தை மேற்கொள்ளுங்கள் !