மனிதர்கள் பல விதமான நியாமற்ற ஆசைகளை வைத்துக் கொண்டு, அவை நிறைவேற வேண்டும் என ஏங்கித் தவித்து, அதில் தோல்வியடைவதால் துன்பம் அடைகின்றனர்.அவர்கள் பொருட்களாலான இந்த உலகிற்கு அதிக மதிப்பு அளிக்கின்றனர்.உங்களது பற்றுதல்கள் பெருகும் போது தான் நீங்கள் துன்பமும் ,துயரமும் அடைகின்றீர்கள். இயற்கையையும், சிருஷ்டிக்கப்பட்ட அனைத்துப் பொருட்களையும் அக திருஷ்டியால் கிடைக்கும் நுண்ணறிவால் நோக்கினீர்களானால், முயற்சி இருந்தாலும் கூட, பற்றுதல்கள் விலகி விடும்; நீங்கள் அனைத்தையும் அதிகத் தெளிவுடன், தெய்வீகக் காந்தி ததும்பும் ஒளியுடனும் காண்பீர்கள். உங்கள் புறக் கண்களை மூடி, அகக் கண்களை திறந்து கொள்ளுங்கள்- எப்படிப் பட்ட மகத்தான இன்றியமையாத ஒற்றுமையின் வடிவம் உங்களுக்குக் கிடைக்கிறது?இயற்கையின் பால் கொள்ளும் பற்றுதல்களுக்கு வரம்பு உண்டு, ஆனால், உங்களது அகக் கண்கள் திறக்கும் போது ,நீங்கள் வளர்த்துக் கொள்ளும் இறைப் பற்றுதலுக்கு வரம்பே கிடையாது. அந்த சத்தியத்தை அனுபவியுங்கள்; இந்த பொய்யான சித்திரத்தை அல்ல.