ஆண், பெண் அல்லது அனைத்து ஆண்களின் சமத்துவத்தைப் பற்றிய இன்றைய பேச்சைக் கண்டு மயங்கி விடாதீர்கள்.ஒவ்வொருவருக்கும் குறிப்பிட்ட புத்தியும், தனித்தன்மை கொண்ட,உணர்வுகள் ,உந்துதல்கள் மற்றும் முற்பிறவிகளின் வாஸனாக்களின் மூட்டை உள்ளது.எந்த அளவு நீங்கள் அவற்றை வளர்த்துக் கொள்வதையோ அல்லது திசை திருப்புவதையோ அல்லது அவற்றின் சக்தியைக் குறைப்பதையோ செய்கிறீர்களோ, அந்த அளவு உங்களது திறன்கள் மற்றும் முன்னேற்றத்தில் வித்தியாசங்கள் இருக்கத் தான் செய்யும். உங்களது திறன்கள்,ஆரோக்யம் மற்றும் உங்களது குணாதிசியங்களை வளர்த்துக் கொள்வதற்காகக் கிடைக்கும் அனைத்து வாய்ப்புக்களையும் பயன்படுத்திக் கொள்ளுங்கள். அதுவே உங்களது தற்போதைய கடமை. உங்களது எந்தச் செயலாலும் பிறருக்குத் தீங்கிழைக்காதீர்கள்; நீங்களும் உங்களது முட்டாள் தனத்தாலோ அல்லது அசட்டு தைரியத்தாலோ,துன்பத்திற்கு ஆளாகாதீர்கள். உங்களது பெரியோர்களை அவமதிக்காதீர்கள்; சேவை உணர்வை வளர்த்துக் கொண்டு, நோயுற்றவர்களுக்கும்,ஏழை எளியவர்களுக்கும் எவ்வாறு சேவை ஆற்றுவது என்பதைக் கற்றுக் கொண்டு, பிறருக்கு உதவக் கிடைக்கும் ஒவ்வொரு வாய்ப்பையும் பயன்படுத்திக் கொள்ளுங்கள்.குறைந்த பக்ஷம்,பிறருக்கு துன்பம் ஏற்படுத்துவதைத் தவிர்த்து விடுங்கள்.