உங்கள் அனைவருள்ளும் பல விதமான மிருகங்கள் உள்ளன;நாய்,நரி,கழுதை மற்றும் ஓநாய் போன்றவை.இந்த அனைத்து மிருகங்களின் குணங்களையும் அடக்கி,மனித குணங்களான ப்ரேமை மற்றும் ஸ்நேகத்தை ஒளி விட்டுப் பிரகாசிப்பதற்கு ஊக்கம் அளிப்பதை நீங்கள் தேர்ந்தெடுக்க வேண்டும். எல்லாவற்றையும் விட, நற்பண்புகளை வளர்த்துக் கொள்ளத் தொடங்குங்கள்; வெறும் புத்தகக் கல்வியை விட அதுவே மிகவும் முக்கியமானதும், பயனளிப்பதும் ஆகும்.அனைத்து கல்வியின் முடிவும், அனைத்து ஞானத்தின் சாரமும் ஆன உண்மையான ஆனந்தத்தை இது அளிக்கும். அனைவரையும் ஒன்று போலக் கருதுங்கள்;அவர்களுக்கு ஏதாவது நல்லது செய்ய முடியாவிட்டாலும், அவர்களுக்கு எந்தத் தீங்கும் செய்வதைத் தவிர்த்து விடுங்கள். உங்களது இதய அந்தரங்கத்தில் அன்பின் தீபத்தை ஏற்றிடுங்கள்; இரவுப் பறவைகள் போன்ற பொறாமை மற்றும் பேராசை அதன் ஒளியைத் தாங்க முடியாமல் பறந்தோடி விடும். பிடிவாதம் கொண்ட ஒரு மனிதன் கீழ்த் தரமான அஹங்காரத்தால் பாதிக்கப் பட்டவன் ஆவான்; அன்பு உங்களைப் பணிவுள்ளவர்களாக ஆக்கி, மஹிமை மற்றும் மஹத்துவத்தை நீங்கள் காணும் போது, பணிந்து தலை வணங்க வைக்கிறது. அந்தத் திறனை பயன்படுத்தி, அதிலிருந்து சிறந்த பலனைப் பெறுங்கள்.