பலர் ஸ்வாமிக்குப் பிறந்த நாளில் என்ன பரிசு அளிக்கலாம் என்று யோசித்துக் கொண்டு இருக்கக் கூடும்.இறைவனுக்கு அளிக்கப் படும் பரிசு, பரிசுத்தமானதாகவும், நிலையானதாகவும்,தன்னலமற்ற ப்ரேமையுடனும் இருக்க வேண்டும். நீங்கள் சக மனிதர்களை நேசித்து,அவர்களது துயரங்களைப் பகிர்ந்து கொண்டு, அவர்களுக்குச் சேவை செய்வதில் பங்கேற்றால் மட்டுமே, நீங்கள் இறைவனுக்கு உண்மையான பரிசினை அளித்தோம் என மகிழ்ச்சி அடைய முடியும். கிராமங்களைத் தத்து எடுத்துக் கொண்டு, அவற்றை இலட்சிய கிராமங்களாக ஆக்குங்கள். தனவந்தர்கள் மற்றும் வலிமை படைத்தவர்களிடம் பல வேலைக்காரர்கள் இருக்கிறார்கள். ஏழை, எளியவர்கள் மற்றும் நோயுற்றவர்களுக்குச் சேவை செய்ய எவரும் இல்லை. அவர்களிடம் சென்று அவர்களது நண்பர்களாகவும், பந்துக்களாகவும், அவர்களது நெருங்கிய நலம் விரும்பிகளாகவும் இருங்கள். அவர்களும் உங்களை அவ்வாறே வரவேற்கட்டும். பசியால் வாடி, துன்பத்தில் துவளுவரது காதுகளில் வேதாந்தத்தை ஊற்றாதீர்கள்.முதலில் அவர்களது பசியைப் போக்குங்கள். அவர்களை இறைவனாகவே வரித்து சேவை செய்து, உணவு, உடை, மற்றும் மருந்துகளை அளியுங்கள்; அதன் பின்னர் அவர்களுக்கு ஆன்மீகத்தைக் கற்றுக் கொடுங்கள்.நான் உங்களுக்கு நீண்ட ஆயுள், நல்ல ஆரோக்யம், ஆனந்தம், சாந்தி மற்றும் வளமை பெற ஆசீர்வதிக்கிறேன்.நீங்கள் உங்களது உடல், மனம்,புத்தி மற்றும் ஆன்மீகத் திறன்களை, இந்த பிரபஞ்சத்தின் சேவைக்காக அர்ப்பணிப்பீர்களாக !