உண்மையான மாணவன் என்பவன் அவனுக்குக் கிடைக்கும் கல்வியைப் பற்றிச் சிந்தித்து, அதன் மதிப்பை உணர்ந்தவனாவான்.சாதாரணக் கல்வியைப் போல, விஞ்ஞானம் மற்றும் ப்ரக்ஞானம் என்பவை, வெறும் கற்பது மற்றும் கேட்பதால் கிடைக்கக் கூடியவை அல்ல .ஒவ்வொருவரும் இந்த புனிதமான சக்திகளை, கல்வி மற்றும் ஒருங்கிணைந்த அப்யாசத்தின் மூலம் கிடைக்கும் கலாசாரம் மற்றும் நேர்த்தியால், அடைய முடியும். கலாசாரம் என்றால் என்ன? கலாசாரம் என்பது ஒவ்வொருவரும், தங்கள் அன்றாட வாழ்க்கையில்,தாங்களே விரும்பி, அஸத்தியத்திலிருந்து ஸத்யத்திற்கும்,சாஸ்திரங்களை புறக்கணிப்பதிலிருந்து அவற்றின் ஆணைகளை ஏற்று நடப்பதற்கும், நிலையற்றவைகளிலிருந்து சாஸ்வதமானவற்றிற்கும், மாறுவதற்காகச் செய்யும் முயற்சியே ஆகும்.அது தெய்வீகத்தை நோக்கிச் செல்லும் ஆன்மீகப் பயணமாகும். மனிதர்கள் ஸத்யத்தின் ஸ்வரூபங்கள்.ஒவ்வொருவரும் ஸத்யம் மற்றும் தர்மத்தின் படி நடப்பதைக் காப்பாற்றினால், அதுவே இந்த பிரபஞ்சத்தையும் காத்து ரக்ஷித்திடும்.இதில் நீங்கள் வெற்றி பெற்று விட்டால்,இந்த உலகனைத்தும் சாந்தி ,சந்தோஷங்களை அனுபவிக்கும்.