பிறரிடம் குறை காணாதீர்கள்.நீங்கள் ஒரு விரலால் ஒருவரைக் குறை கூறும் வகையில் சுட்டிக் காட்டும்போது, மூன்று விரல்கள் உங்களைச் சுட்டிக் காட்டுகின்றன என்பதை நினைவில் கொள்ளுங்கள்.சத்யத்தை உங்களது கழுத்தின் ஆபரணமாக அணிந்திருங்கள் (ஸத்யம் கண்டஸ்ய பூஷணம்). உங்கள் கரங்களை அழகாகவும் ,நேர்த்தியாகவும் ஆக்கும் உண்மையான ஆபரணம் தானம்(ஹஸ்தஸ்ய பூஷணம் தானம்).இவ்வாறு உங்களது ஒவ்வொரு அங்கத்தையும்,புனிதமான காரியங்களில் ஈடுபவதன் மூலம் நீங்கள் பரிசுத்தப் படுத்திக் கொள்ள வேண்டும். உங்களது கண்கள் புனிதமானவற்றையே பார்க்க வேண்டும்.உங்களது கண்களில் எப்படிப் பட்ட ஒரு அளவற்ற ஆற்றல் பொதிந்திருக்கிறது என்பதை நீங்கள் அறிவீர்களா? அவைகளில் கோடிக்கணக்கான ஒளிக் கிரணங்கள் உள்ளன.பண்டைய காலத்தில் மக்கள் நல்ல பார்வையைப் பெற, சூரிய பகவானைப் ப்ரார்த்திப்பார்கள்.நீங்கள் சூர்ய நமஸ்காரம் செய்து அவரின் அருளை வேண்டும் போது,உங்களது கண்களில் உள்ள ஒளிக் கிரணங்கள் மேலும் பிரகாசமடைந்து உங்களுக்கு எழுச்சியூட்டும். மனிதர்கள் மோக்ஷம் அடைய விரும்புகிறார்கள். மோக்ஷம் என்றால் என்ன? எப்போதும் உதவுங்கள், ஒரு போதும் தீங்கிழைக்காதீர்கள் -அதுவே உண்மையான மோக்ஷம்.மோஹத்தை (பற்றுதலை) விட்டு விடுவதே உண்மையான மோக்ஷம்.