பெண்கள் தங்களது இல்லங்களை புத்திசாலித்தனமாக கவனித்துக் கொண்டு, இனிமையாக நடந்து கொள்ள வேண்டும்.முடிந்த அளவு உங்களது விருந்தினரை, சுமுகமாக நடத்துங்கள்.கஷ்டத்தில் வாடுபவர்களைப் புரிந்து கொண்டு,இதமான வார்த்தைகளால், ஆறுதல் கூறித் தேற்றுங்கள்.கடுமையான வார்த்தைகளைப் பேசுபவர்கள் உண்மையில் அரக்கர்களே.நீங்கள் பிறரது உணர்வுகளைக் காயப்படுத்தினால்,நீங்கள் அது போல இரட்டிப்பு மடங்கு பாதிக்கப் படுவீர்கள்;உங்களது செயல்களின் விளைவுகளிலிருந்து நீங்கள் தப்பவே முடியாது. அன்பின் திருவுருவங்களே ! இந்த போதனைகளை உங்களது தினசரி வாழ்க்கையில் கடைப்பிடிப்பது மிகவும் எளிது.ஆனால் இவற்றை சாதாரணமாக எடுத்துக் கொள்ளாதீர்கள்- இவை உங்களுக்கு மோக்ஷத்தைத் தர வல்லவை!இவற்றை அறிந்து கொள்ளக் கிடைத்தது உங்களது அதிருஷ்டமே! அதிருஷ்டம் என்றால் என்ன? அ-திருஷ்டம், அதாவது கண்களுக்குப் புலப்படாதவை என்று பொருள். உங்களது சீரிய நடத்தை மற்றும் புண்ய காரியங்களின் பலனை, நீங்கள் காண முடியாமல் போகலாம்,ஆனால் அவை உங்களுக்கு காலப்போக்கில் அனைத்து சாந்தி, சந்தோஷங்களையும் அளிக்கும்.