நோபல் பரிசு பெற்ற பலர் இருக்கிறார்கள்.எவ்வளவு பேர் அவர்களை நினைவில் வைத்திருக்கிறார்கள்?ஆனால், மனித குலத்திற்குப் பயனளித்த, சீரிய குணம் நலம் கொண்ட பலரை , மனிதகுலம் என்றும் நினைவு கூர்கிறது. உதாரணமாக கொல்கத்தா,பல பெரிய மேதாவிகளை உருவாக்கியுள்ளது; ஆனால் சில காலத்திற்குப் பின் அவர்கள் எவரையும் யாருக்கும் நினைவில்லை. ஆனால் அந்த நகரத்திலிருந்த ஒரு தலை சிறந்த ஆத்மாவான ஸ்ரீராமகிருஷ்ண பரமஹம்ஸர், அவர் கல்வியறிவு அற்றவராக இருந்தாலும் கூட, உலகனைத்தும் உள்ள கோடானு கோடி மக்களின் இதயங்களில் குடி கொண்டு இருக்கிறார். கல்வியா இதற்குக் காரணம்?இதைப் போன்று , பல உயர்ந்த மனிதர்கள், மக்களின் இதயங்களில் குடி கொண்டு இருப்பதற்கு என்ன காரணம்? அவர்கள் தங்களது நற்பெயரை, இறைவன் பால் கொண்ட பக்தி, நற்குணம், பரந்த மனப்பாங்கு மற்றும் தியாக உணர்வு ஆகியவை மூலம் ஈட்டியவர்கள். உலகியலான பொருட்களைப் பற்றிய அக்கறையுடன், கூடவே இறைவன் பால் பக்தியும்இருக்க வேண்டும் என்பதே இதன் பொருள். கல்வியுடன் கூடவே, ஸம்ஸ்காரமும் ( கலாசாரம் ) மிகவும் முக்கியம். ஸம்ஸ்காரம் என்றால் என்ன அர்த்தம்? செயல்களைச் சீர் படுத்துவதே ஸம்ஸ்காரம் -ஸம்யக் க்ருதி இதி ஸம்ஸ்கார: