தனி மனிதர்களுக்கு இடையே உள்ள வித்தியாசங்களை மறந்து, ஒவ்வொருவருடனும் இசைவு மற்றும் சமத்துவ உணர்வோடு பழகுவதே, ஒவ்வொரு மனிதரின் தலை சிறந்த நற்குணமாகும்.விளையாட்டுப் போட்டிகளுக்கு மெருகூட்டுவது,இந்த ஒற்றுமை உணர்வே.துரதிருஷ்ட வசமாக, பலர் இன்று இந்த விளையாட்டுப் போட்டிகளிலிருந்து உடல்திறன் மற்றும் வலிமையை மட்டுமே பெற விழைகிறார்களே அன்றி, ப்ரேமை மற்றும் ஒற்றுமை உணர்வை அல்ல ! உடல் நலம் மற்றும் வலிமையினால் மட்டுமே வாழ்க்கை பரிபூரணத்துவத்தை ஒருபோதும் அடைய முடியாது.உங்களது வயிறு நிறைந்திருந்தாலும், உங்களது உடலும் மனமும் ஆரோக்யமாக இருந்தால் தான் நீங்கள் சந்தோஷமாக இருக்க முடியும்.இளைஞர்கள் இந்த உண்மையைப் புரிந்து கொண்டு, உடல் கட்டு மட்டும் அழகில் மட்டுமே கவனம் செலுத்தக் கூடாது.இறைவன் ஒவ்வொருவருக்கும் பல விதமான, உடல், மனம் மற்றும் ஆன்மீக சக்திகளை அளித்துள்ளான்.உங்கள் மனம் அளவற்ற ஆற்றல் கொண்டது.கட்டுப் பாட்டில் உள்ள மனம் இறைவனை உணர்வதற்கு உதவும். உங்களது உள்ளார்ந்த ஆற்றல்களின் பரிமாணத்தை உணர்ந்து, அவற்றை வாழ்க்கையில் புத்திசாலித்தனமாகப் பயன்படுத்துங்கள்.