உங்களுள் அளவற்ற ஆற்றல் உள்ளது.ஒளியூட்டும் விளக்கைப் போல, உங்களது திருஷ்ட்டி தூய்மையானதாகவும்,புனிதமானதாகவும் மேலும் இனிமையானதாகவும் இருக்க வேண்டும். உங்களது திருஷ்ட்டி என்ற ஆசியை, வேண்டாத விஷயங்களைப் பார்ப்பது அல்லது தீய எண்ணங்களுடன் பார்ப்பது போன்றவற்றால், களங்கப் படுத்தவோ அல்லது மாசுபடுத்தவோ செய்யாதீர்கள்.உங்களுள் ஒரு ஜீவ காந்த சக்தி ஓடிக் கொண்டு இருக்கிறது. இந்த சக்தி உங்கள் உடல் முழுவதும் பரவியிருந்தாலும், அவை இருப்பது கைகளில் தான் அதிகம் வெளிப்படுகிறது. எனவே, கைகள் நல்ல விஷயங்களுக்கே பயன்படுத்தப் பட வேண்டும். அவைகளை ஒரு போதும் பிறருக்குத் தீங்கு இழைப்பதற்காகப் பயன்படுத்தக் கூடாது.காதுகள் வம்பு,அவதூறு மற்றும் தீய பேச்சுக்களைக் கேட்கின்றன. இதன் பலனாகக் கேட்கும் சக்தி மாசடைந்து விடுகிறது.மேலும் பேச்சின் சக்தியை எடுத்துக் கொள்ளுங்கள்.இந்த சக்தி,ஒலி அலைகளாக வெளிப்படுவதால், இதை மிகுந்த கவனத்துடன் பயன்படுத்த வேண்டும். ஒருவர் பேசும் வார்த்தைகள்,மற்றவர்களது உணர்ச்சிகளைக் கிளறாமலும், எரிச்சலூட்டாமலும், ஆத்திரமூட்டாமலும் இருக்குமாறு பார்த்துக் கொள்ள வேண்டும். தீய வார்த்தைகள்,அதைச் சொல்பவரிடமே இரட்டிப்பு வேகத்துடன் திரும்பி வரும்.எனவே, ஒருவரது பேச்சு இதமானதாகவும், இனிமையானதாகவும் இருக்க வேண்டும்.