ஆசைகளும்,நிராசைகளும் வாழ்க்கையின் லக்ஷணங்கள்.மனித வாழ்க்கை பெரும்பாலான மனிதர்களுக்கு பயம் நிறைந்ததாகவே இருக்கிறது. ஒருவர் எங்கிருந்தாலும்,என்ன செய்து கொண்டு இருந்தாலும், பலவிதமான பயங்கள் அவர்களை ஆட்டிப் படைக்கின்றன.ஒருவர் பயத்திலிருந்து எவ்வாறு தப்புவது? ஒருவருக்கு வாழ்க்கையில் கிடைப்பது போலத் தோன்றும், சந்தோஷமளிக்கும் சின்ன சின்ன பொருட்கள் கூட, அவற்றை இழந்து விடுவோமோ என்ற பயத்துடனேயே இணைந்திருக்கின்றன! பாவ- புண்ணியங்கள், இன்ப-துன்பங்கள்,லாப-நஷ்டங்கள், வெளிச்சம்-இருட்டு போன்ற ஒன்றுக்கு ஒன்று எதிர்மறையான ஜோடிகளை,ஒவ்வொருவரும் அவர்களது வாழ்க்கையில் அனுபவிக்கிறார்கள்.உண்மையைச் சொல்லப் போனால், அவற்றில் ஒன்று (துன்பம்) இல்லாமல் இருப்பது, மற்றொன்று ( இன்பம் ) இருப்பதைக் காட்டுகிறது !ஆதி சங்கர பகவத் பாதர் மேலும்,'' எங்கு பற்றுதல் இல்லையோ அங்கு பயம் இல்லை'' என்று விளக்குகிறார். அந்த நிலையை ஒருவர் எவ்வாறு அடைவது?இறைவனது அருகாமையை அடைவதன் மூலமே ! அவர் மேலும், ''வைராக்யத்தை வளர்த்துக் கொண்டு, ஆத்மாவை நோக்கிப் பயணிப்பதன் மூலம்,பயத்தைப் போக்கிடுங்கள். ஆத்ம சாக்ஷாத்காரத்தின் மூலமே,நீங்கள் பயத்தின் உண்மையான தன்மையை உணர்ந்து, அதை வென்றிட முடியும்.'' என்றும் அறிவுறுத்துகிறார்.