மனிதப் பிறவி மிகவும் புனிதமானதும்,சீரியதும்,தெய்வீகமானதும் ஆகும். அதைக் கீழ்த்தரமான நாட்டங்களில் வீணடிக்கக் கூடாது.புனிதப் பாதையில் சென்று ,இறை நாமஸ்மரணையின் மூலம் உங்களது காலத்தையும் புனிதமாக்கிக் கொள்ளுங்கள். இறை நாமஸ்மரணைக்காக ஒரு குறிப்பிட்ட நேரம் அல்லது இடத்தை ஒதுக்க வேண்டிய அவசியமில்லை.அதை நீங்கள் எங்கிருந்தாலும், என்ன செய்து கொண்டு இருந்தாலும் செய்யலாம்.ஒருவர் தண்ணீர், மின்சாரம் போன்றவற்றிற்கு வரி கட்ட வேண்டும் ஆனால், இறை நாமஸ்மரணைக்கு எந்த வரியும் இல்லை.எவரும் நீங்கள் அதைச் செய்வதிலிருந்து தடுக்க முடியாது.அது மிகவும் எளிதானது ஆனால் மிகவும் பயனளிக்கத் தக்கது.அதைக் கடைப்பிடிப்பது மிகவும் எளிதாக இருப்பதால் பலர் அதன் அளவற்ற மதிப்பை உணரவில்லை.அவர்கள், இறைவனை கடுமையான விரதங்களின் மூலம் தான் அடையமுடியும் என்று தவறாக நினைக்கிறார்கள். இறை நாமஸ்மரணையை, உங்களை வருத்திக் கொள்ளாமலும் , மற்றவர்களுக்கும் எந்தத் தொந்தரவும் இல்லாமலும் செய்யுங்கள். இறைவன் பால் ப்ரேமையை வளர்த்துக் கொள்ளுங்கள். எவரையும் விமர்சனமோ அல்லது ஏளனமோ செய்யாதீர்கள். உங்களது அன்பை, தன்னலமின்றி பகிர்ந்து கொள்வதன் மூலம், அனைவருக்கும் ஆனந்தம் அளியுங்கள்.இதுவே உண்மையான ஆன்மீக சாதனை. இந்த எளிய பாதையைப் பின்பற்றி,, ஆனந்தத்தை அனுபவித்து, உங்களது வாழ்க்கைகளைப் புனிதமாக்கிக் கொள்ளுங்கள்.