ஆதி சங்கர பகவத் பாதர்,தனது சீடர்களிடம், இளைஞர்கள் ஆத்மாவைப் பற்றி அறிந்து கொள்வதை விட புலனின்பங்களில் தான் அதிக நாட்டம் கொண்டிருக்கிறார்கள் என்று குறிப்பிட்டார். அநேக விதமான அசுத்தங்களின் பாத்திரமாக இருக்கும் இந்த உடலின் மீது மனிதர்கள் கொண்டிருக்கும் பற்றுதல் பரிதாபகரமானது. அதனது நிலையாமையைப் புரிந்து கொள்ளாது, உடலின் வெளிப்புறத் தோற்றத்தின் ஈர்ப்புக்களால் அவர்கள் கவரப்பட்டு விடுகிறார்கள்.இளமை எவ்வளவு காலம் இருக்கும்? அவரது உபதேசம், இளைஞர்கள் தாங்கள் நடத்தும் வாழ்க்கையைப் பற்றி கவனமாக இருக்க வேண்டும் என்பதற்கான வலுவான எச்சரிக்கையாகும்; மேலும் அது அவர்கள் தங்களது உடல் பற்றுதலை விட்டுவிடுமாறு ஊக்குவிக்கிறது. அவைகள் வெவ்வேறு நாமங்களால் அழைக்கப் பட்டும், வெவ்வேறு விதமாகத் தோற்றமளித்தாலும் கூட,அனைத்து ஜீவ ராசிகளிலும் உறையும் தெய்வீகத் தத்துவத்தை நீங்கள் உணர்ந்து நடந்து கொள்ள வேண்டும். இளைஞர்கள் இறைவனை மட்டுமே தங்களது உண்மையான ஒரே நண்பன் மற்றும் நலம் விரும்பியாக (பந்து,சகா), இறுகப் பற்றிக் கொள்ள வேண்டும்.நீங்கள் நிலையான நம்பிக்கை வைத்து விட்டால்,இறைவன் தானே உங்கள் முன் தோன்றி , உங்களுக்குத் தன் காட்சியை அளித்திடுவான்.