இந்த உடல் பஞ்சபூதங்களால் ஆனது;எந்த ஒரு நேரத்திலும் உண்மையானதல்ல.உடல் நீர்க்குமிழைப் போன்றது. நீர்க்குமிழ் நீரில் உருவாகின்றது; நீரிலேயே மிதக்கின்றது,இறுதியில் நீரிலேயே கலந்து விடுகிறது. அதைப் போலவே, ஆத்மாவும் ஸச்சிதானந்தமான பரமாத்மாவிலிருந்து தோன்றி , இறுதியில் தெய்வீகத்தில் ஸங்கமம் ஆகி விடுகிறது. பிறப்பும், இறப்பும் வாழ்க்கை என்ற நாடகத்தின் காட்சிகளே; அவற்றை உண்மை எனக் கருதி விடாதீர்கள். உங்களது தூக்கத்தில்( கனவில்) பல மாளிகைகளை நீங்கள் காணலாம்; ஆனால் நீங்கள் விழித்தபிறகு, நீங்கள் அவற்றில் எதையும் காண்பதில்லை ! ஒரு நாளில் ( விழிப்பு நிலையில்) நீங்கள் காணம் எந்தக் கட்டிடமும் நீங்கள் உறங்கும் போது தென்படுவதில்லை. எனவே, இரண்டுமே உண்மையல்ல- அதிக பட்சம் பகற்கனவு மற்றும் இரவுக்கனவு என்று வேண்டுமானால் கூறலாம் ! இந்த இரண்டு காலங்களிலும் ''நீங்கள் '' இருக்கிறீர்கள் என்பது மட்டுமே உண்மை. அதைப் போலவே, நீங்கள் மனித உருவில் இருந்தாலும், உண்மையில் நீங்கள் தெய்வமே. எனவே, தூய்மையான மற்றும் புனிதமான வாழ்க்கை நடத்தி இந்தப் பிறவியை புனிதமாக்குங்கள்.உலக வாழ்க்கையின் குப்பைகளைத் திரட்டி வைத்துக் கொள்ளாதீர்கள்.