மனித வாழ்க்கை உடல்,மனம் மற்றும் ஆத்மாவின் இணைப்பாகும். உடலே ஞானம் பெறுவதற்கான ஆதாரம்.எனவே, அதைத் தவறாகப் பயன்படுத்தக் கூடாது. நீங்கள் புனிதமான செயல்களில் ஈடுபடுவதன் மூலம் உங்களது உடலையும், மனதையும் தூய்மைப் படுத்த வேண்டும். மனித உடலின் திறன்களைக் குறைவாக மதிப்பிட்டு விடாதீர்கள். உண்மையில் மனித வாழ்க்கையின் குறிக்கோளை அடைவதற்கு உடலே அடிப்படையாகும். இறை நாமஸ்மரணை மற்றும் புனிதமான காரியங்களைச் செய்வதன் மூலம் உங்களது ஜென்மம் சாபல்யம் அடையப் பாடுபடுங்கள்.மனிதப் பண்புகளை அடைய நீங்கள் பிரத்யேகமான முயற்சி எதுவும் செய்யத் தேவையில்லை - அவை பிறவியிலிருந்தே உங்களுள் புதைந்து உள்ளன.நீங்கள் அவற்றைக் கடைப் பிடிக்கத் தவறி விட்டதால், அவற்றை மறந்து விட்டீர்கள். டன் கணக்கில் பேசுவதை விட, ஒரு இம்மி அளவாவது நீங்கள் கற்றதை நடைமுறைப் படுத்துங்கள். மக்கள் , மனிதப் பண்புகளைக் கடைப்பிடிக்காததால் தான் மனித குலம் வீழ்ச்சி அடைந்து கொண்டு வருகிறது. நீங்கள் இலட்சியங்களை (ஆதர்ஸலு) மறந்து விட்டு, ஆசைகளை (ஆஸலு) வளர்த்துக் கொண்டே போகிறீர்கள்.