ஒவ்வொரு ஜீவராசியும் பிறப்பு, இளமை,மூப்பு மற்றும் இறப்பு என்ற நிலைகளை அனுபவிக்கின்றன.குழந்தைப் பருவம் விளையாடுவதிலும், இளமைப் பருவம் குடும்ப வாழ்க்கையிலும்,முதுமைப் பருவம் பொறுப்புக்களை பூர்த்தி செய்வதிலும் கழிந்து விடுகிறது.ஏதோ ஒரு விதத்தில், இந்த ஒவ்வொரு நிலையிலும் மன உளைச்சல் இருந்து கொண்டு தான் இருக்கிறது.வாழ்க்கையைப் பற்றிய நமது மனப்பாங்கு புளியம்பழத்தைப் போன்றது. புளியம்பழம் மூன்று பாகங்கள் கொண்டது - கொட்டை,தோல் மற்றும் பழம். அதைப் போலவே, மனிதனுக்கும் ஸ்தூல சரீரம், நுண்ணிய சரீரம் மற்றும் காரண சரீரம் உள்ளது. பழுக்காத ஒரு புளியம் பழத்தைக் கல்லால் அடித்தால், அதன் வெளித் தோல் மற்றும் உட்புறம் என்ற இரண்டும் பாதிக்கப் படுகிறது. அதே சமயம் பழுத்த ஒரு புளியம் பழத்தை ஒரு கல்லால் அடித்தால்,வெளித் தோல் மற்றும் உறிந்து, உள்ளிருக்கும் சாறு உண்பதற்குக் கிடைக்கிறது.உலக சம்பந்தங்களோடு இருக்கும் ஒருவர் பழுக்காத புளியம் பழத்தைப் போன்றவர். படிப்படியாக, ஆசைகளை விட்டு விடுங்கள்,ஏனெனில் அவை பெருகிக் கொண்டே போகும் தன்மை கொண்டவை.