இறை நாமத்தை உங்கள் உயிர் மூச்சாகவே கொண்டு, வீழ்ச்சியைப் பற்றிய பயம் இன்றி, வாழ்க்கையின் அனைத்து செயல்களிலும் ஈடுபடுங்கள். மனம் உலகியலான செயல்களுடன் ( ப்ரவிருத்தி) இணையும் போது, பந்தம் என்ற குழந்தை உண்டாகிறது;அது ஆன்மீகப் பற்றின்மையை ( நிர்விருத்தி ) மணக்கும் போது சுதந்திரம் என்ற குழந்தை உருவாகிறது. நிவ்ருத்தி, அச்சமின்மையை அளித்து, வலிமையையும்,தைரியத்தையும் ஊட்டுகிறது ; ஏனெனில் ஆசையே மனிதனை பலஹீனமாக்கி, அடிபணிய வைக்கிறது. பற்றின்மை உங்களுக்கு சுயமரியாதையையும்,அவதூறுகளையும், பழியையும் எதிர்த்து நிற்கும் திறனையும் அளிக்கிறது. தோல்வி அல்லது ஏமாற்றத்தின் ஒரு சிறு அறிகுறியைக் கண்டாலே அழுது புலம்பும் சிலர் இருக்கிறார்கள்.இது மிகவும் வெறுக்கத் தக்க நடத்தை. இறைவனே உங்கள் இதயத்தில் கொலு வீற்றிருக்கும் போது நீங்கள் ஏன் அச்சமோ அல்லது துயரமோ கொள்ள வேண்டும்? அவன் அங்கிருந்து உங்களைக் காத்து வழிநடத்துகிறான் என்பதை நீங்கள் அறியவில்லையா?அவன் எப்போதும்,எல்லா ஜீவராசிகளிலும் இருக்கிறான். நீங்கள் எங்கு இருந்தாலும் என்ன செய்தாலும் இந்த உண்மையை நினைவில் கொள்ளுங்கள். இறை நாமஸ்ரணையை விடாமல் இருந்தால், நீங்கள் கண்டிப்பாக வெற்றி பெறுவீர்கள்.