மனிதனை தெய்வீகத்திலிருந்து இழுத்து கீழே தள்ளும் அசுர குணங்களின் உருவே ஆன நரகாசுரனை வெற்றி பெற்றதற்கு நன்றி தெரிவிக்கும் நாளே தீபாவளிப் பண்டிகை. பகவான் ஸ்ரீகிருஷ்ணரின் கரங்களால் ஏற்பட்ட எந்த நரகாசுரனின் இறப்பு இன்று கொண்டாடப்படுகிறதோ, அவன் நரகத்தைக் குறிக்கிறான். மனிதனின் மேல் நோக்கிய முன்னேற்றத்தைத் தடை செய்யும் அத்தனை குணங்களின் ஸ்வரூபம் நரகாசுரன். மனிதன், மிருகம் மற்றும் தெய்வீகம் என்ற மூன்று குணங்கள் இணைந்தவன் மனிதன்; இந்த மூன்றுக்கும் இடையே , ஆளுமைக்காக ஏற்படும் தவிர்க்க முடியாத போராட்டத்தில், சாதாரணமான மனித குணமும், கீழ்மையான மிருக குணமும் அடக்கப் பட்டு, தெய்வீக குணம் வெற்றி பெறுவதை நீங்கள் உறுதி செய்ய வேண்டும். எந்த க்ருஹத்தில் ( வீட்டில்) இறை நாமம் கேட்கப் படுவதில்லையோ அது வெறும் குகையே அன்றி வேறில்லை. நீங்கள் அதில் நுழையும் போதும்,வெளியே போகும் போதும், அதில் இருக்கும் போதும், இறை நாமத்தால், அடிக்கடி நறுமணம் ஊட்டி, ஒளியேற்றி, தூய்மைப் படுத்துங்கள். மாலையில் அதையே தீபமாக ஏற்றுங்கள்; அதிகாலையில் சூரியனை வரவேற்பதைப் போல, அதற்கு வரவேற்பு அளியுங்கள். இப்படிச் செய்வதே, உண்மையில், தீபங்களின் பண்டிகையான தீபாவளியாகும்.