இறைவன் புரிந்து கொள்ள முடியாதவன். இந்த வெளிப்படை பொருட்களாலான உலகில் அவனை உணர முடியாது;அவன் ஒவ்வொரு ஜீவராசியின் இதயத்திலும் உறைகிறான். நீங்கள் இறைவனை அங்கிங்கு எனாதபடி எங்கும் நிறைந்தவன்,அனைத்தும் அறிந்தவன்,ஸர்வ வல்லமை பொருந்தியவன் என்றெல்லாம் போற்றுகிறீர்கள்,ஆனால் உங்களுள் இருக்கும் அவனை நீங்கள் அறியவில்லை! இறைவன் இதுதான் அல்லது அதுதான் என்று ஆணித்தரமாக யாரால் கூற இயலும்?இறைவன் இந்த ரூபமோ, அல்லது குணமோ அற்றவன் என்று யாரால் சாதிக்க முடியும்? ஒவ்வொருவரும் பரந்து விரிந்த சமுத்திரத்திலிருந்து அதன் கரைக்கு அவர்கள் எடுத்துச் செல்லும் பாத்திரத்திற்கு ஏற்ற அளவு தான் நீரை எடுக்க முடியும். அதிலிருந்து,அந்த மகத்துவத்தின் ஒரு இம்மி அளவைத் தான் அவர்களால் புரிந்து கொள்ள முடியும்.உயர்ந்த ரத்தினங்களை ஆழமாகத் தோண்டித் தான் பெற வேண்டும்; அவை காற்றில் மிதந்து கொண்டு இருப்பவை அல்ல. இறைவனை,மனதை மயக்கும் வண்ண வண்ணமான இயற்கையில் அல்லாது, உங்களின் ஆழத்தில் தேடுங்கள். உடல் இந்த உயர்ந்த நோக்கத்திற்காகத் தான் கொடுக்கப் பட்டு இருக்கிறது; ஆனால்,பரம்பரைச் சொத்தாக அவன் கையில் கிடைத்த வைர வைடூரியங்கள் பதித்த ஒரு தங்கக் கிண்ணத்தை, தினமும் சமையல் செய்யப் பயன்படுத்தும் ஒருவனைப் போல, நீங்கள் தவறாகப் பயன்படுத்திக் கொண்டு இருக்கிறீர்கள்.