இறைவன் என்பது ஏதோ ஒரு தனிப்பட்ட விஷயம் அல்ல.மனிதனே இறைவனின் ஸ்வரூபம்.( தெய்வம் மானுஷ ரூபேனா) இறைவன் மனித உருவில் தோன்றுகிறான் என்று மறை நூல்கள் பறை சாற்றுகின்றன. இறைவனுக்கு என்று ஒரு தனிப்பட்ட உருவம் இல்லாவாவிடினும், மனித வாழ்க்கைகளை எவ்வாறு தெய்வீகமாக்குவது என்பதைக் காட்டுவதற்காக. அவதாரங்கள் அவ்வப்போது இர(ற)ங்கி வருகின்றனர்.இறைவன் தனிப்பட்டவர்களின் துன்பங்களையும்,துயரங்களையும் தீர்த்து வைத்து, அவர்களுக்கு சந்தோஷமும்,இன்பமும் அளிப்பதற்காக அவதாரம் எடுத்து வருவதில்லை என்று நான் அடிக்கடி கூறி வந்துள்ளேன்.கஷ்டங்களும், துன்பங்களும் மற்றும் கவலைகளும் அவைகளது இயல்பான வழியில், உங்களது கடந்த கால செயல்களின் விளைவாக வருகின்றன.ஸ்ரீமத் பகவத் கீதை (கர்மானுபந்தீனி மனுஷ்ய லோகே), மனிதர்கள், தங்களது முற்பிறவிகளில் ஆற்றிய கர்மங்களின் பாவ,புண்ணியங்களால் கட்டுண்டு இருக்கின்றனர் என பறை சாற்றுகிறது. உங்களது செயல் எப்படியோ, அதன் எதிர் செயல் அப்படியே. ஒரு கண்ணாடியின் முன்னால் நின்று கொண்டு, நீங்கள் நமஸ்கரித்தால், அந்த நமஸ்காரமே அதிலும் பிரதிபலிக்கிறது. நீங்கள் கண்ணாடியைக் கோபமாகப் பார்த்தால்,அந்தக் கடுமையே உங்களுக்கு பிரதிபலிப்பாகத் திரும்பி வருகிறது.