சிருஷ்டி,ஸ்திதி மற்றும் லய (படைத்தல், காத்தல் மற்றும் அழித்தல்) என்ற மூன்றும் இறைவனது ஸங்கல்பத்தின் மூன்று விதங்கள்; சிருஷ்டியின் உள் அர்த்தத்தை, கர்ம யோகத்தால் புரிந்து கொள்ள வேண்டும்,ஸ்திதியின் முக்கியத்துவத்தை பக்தியோகத்தால் அறிந்து கொள்ள வேண்டும்;ஞான யோகத்தை எப்போது நீங்கள் பெறுகிறீர்களோ, ஒன்றின் பலமடங்கு அனுபவத்தை அளிக்கும் லயத்தை நீங்கள் அடைகிறீர்கள். பக்தி உங்களை ஒவ்வொரு ஜீவராசியையும் பேணிக் காக்கும் இறைவனைப் பற்றி அறிந்து கொள்ள வைக்கிறது; அதுவே நித்ய, ஸத்ய, நிர்மலமான ப்ரேமை. பக்தியற்றவரே கிடையாது; அந்தராத்மாவில் ஒவ்வொருவரும் அனைத்து ஜீவராசிகளுடனும் ஒரு உறவு உணர்வைக் கொண்டிருக்கிறார்கள்.இதுவே தனித்து இருக்கும் ஒருவரை துன்பத்தில் ஆழ்த்துகிறது;அதுவே ஒவ்வொருவரையும், யாரோ ஒருவருக்கோ அல்லது மற்றவருக்கோ பிடித்தமானவராக ஆக்குகிறது. உங்களிடம் ப்ரேமை இல்லை என்றால், சுடரற்ற விளக்கு போல பார்வையற்று, இருண்டு, இருப்பீர்கள். தூய ப்ரேமை த்வேஷக் கலப்பற்றது, பேராசையால் பாதிக்கப் படாதது.