அர்ஜூனன்,ஆயுதபாணியாக, எதிரிகளை அழித்து விட வேண்டும் என்ற வெறியுடன், யுத்த களத்தில் இறங்கினான்.ஆனால் தனது இடத்தில் வந்தவுடன்,அவன், ''எனது குருமார்கள்'', ''என்து பாட்டானர் '' எனது உறவினர்'', எனது சகோதரர்கள்'' என்று கண்டு, '' நான்'' மற்றும் ''எனது'' என்ற உணர்வினால், வில்லை உதறிவிட்டு, போர் புரிவதை விட, காட்டிற்குச் சென்று தவம் புரிவதும், பிச்சை எடுப்பதும் மேலானது என்ற முடிவிற்கு வந்து விட்டான். உண்மையில்,உலகியலான பந்தங்களுடன் எந்த உறவும் அற்ற '' நான்'' அவனைக் குருடனாக்கி விட்டது. பகவான் ஸ்ரீ கிருஷ்ணர் அவனுக்கு ஸ்ரீமத் பகவத் கீதையை உபதேசித்து அவனது மாயையை விலக்கினார்.இதில் உங்களுக்கான பாடம் '' உலகின் இருமைகளைக் கண்டு கலங்காதீர்'' என்பதாகும். வெற்றியோ அல்லது தோல்வியோ உங்களது ஆத்ம சாந்தி, சந்தோஷங்களை பாதிக்காது இருக்கட்டும். உங்களை நீங்கள், மற்றவர்கள் மற்றும் இந்த பொருட்களாலான உலகிற்கு சம்பந்தப் படாத ஆத்மாவாக நோக்குங்கள். எப்போது நீங்கள் உங்களது உண்மையான ஆத்ம நிலையை உணருகிறீர்களோ அப்போதே விடுதலை பெறுகிறீர்கள் ! அதுவே மோக்ஷம். மோக்ஷம் என்பது ஒரு 5 நக்ஷத்திர ஹோட்டலோ அல்லது ஒரு சொகுசான விடுதியோ அல்ல. அது,உங்களது உண்மை நிலையை, அதற்கு எதிர்மறையான கருத்துக்களை விடுத்து, உணர்ந்து கொள்வதே ஆகும்.