தீயதான எதையும் பார்க்கவோ,பேசவோ அல்லது கேட்கவோ செய்யாதீர்கள். நீங்கள் நல்லவற்றை மட்டுமே காண, கேட்க வேண்டும்; புனிதமானவற்றையே பேச வேண்டும்.இவை வெறும் சாதாரண கோட்பாடுகளாகத் தோன்றலாம்; ஆனால், இவை மிகுந்த ஆழ்ந்த முக்கியத்துவம் வாய்ந்தவை.எப்போதும் எதிர்மறையான மற்றும் நேர்மறையான செயல்களை பகுத்தறியுங்கள். அனைத்து கெட்ட மற்றும் தீங்கு விளைவிக்கும் செயல்கள் எதிர்மறையானவை; அவற்றை அறவே தவிர்த்து விடுங்கள்.உங்களது மனம் நல்ல எண்ணங்களால் நிரம்பி இருக்க வேண்டும், உங்கள் இதயம் கருணையால் நிரம்பி இருக்க வேண்டும்;உங்கள் கரங்கள் தன்னலமற்ற சேவையில் ஈடுபட்டு இருக்க வேண்டும்.நீங்கள் உங்களை உடலாகக் கருதும் வரை, எதிர்மறையான நடத்தையில் சிக்கிக் கொண்டு தான் இருப்பீர்கள். நீங்கள், உங்களை புலன்களின் எஜமானராகக் கருதத் தொடங்கிய தருணத்திலேயே, உங்களது செயல்கள் நேர்மறையானதாக ஆகி விடும். புலனடக்கமே, மோக்ஷத்திற்கு இட்டுச் செல்லும். மோக்ஷம் என்பது வாழ்க்கைக்குப் பிறகு அடையும் ஏதோ ஒன்றல்ல. மோக்ஷத்திற்காக முயல்வது என்பது, ஆரம்பத்திலேயே தொடங்கப் பட்டு, புலன்களின் பந்தத்திலிருந்து நீங்கள் விடுபடும் வரை தொடர்ந்து செய்யப் பட வேண்டும். உங்கள் அனைத்து கடமைகளையும், அவற்றின் பலன்கள் மீது பற்று வைக்காது ஆற்றுங்கள்.